Elx

Un article de Wikipèdia, l'enciclopèdia liura.
Anar a : navigacion, Recercar
Elx
Elche
Comunautat País Valencian
Província Alacant
Superfícia 326 km²
Populacion 222 422 (2007)
Latitud 38° 16' N
Longitud 0º 41' O
Altitud 86 m
Localizacion de la vila en Espanha
Localización de Elche en España.png

Elx (Elx en catalan, Elche en espanhòl) es una vila de la comunautat autonòma espanhòla del País Valencian. Sa populacion èra estimada a 222 422 abitants en 2007. Sa superfícia totala es de 326 km².

Espacis naturals[modificar | modificar la font]

La comuna d'Elx abriga d'espacis d'una granda valor ecologica, que l'Hondo, lo Pargue Natural Municipal del Clot de Galvany e lo Pargue Natural Las Salinas. S'i pòt passejar e trobar d'observatòris d'aucèls e un Centre d'interpretacion.

La Palmièra[modificar | modificar la font]

Vista generala de la Palmièra d'Elx.
Icòna de detalh Article detalhat : Palmièra d'Elx.
Patrimòni Mondial de l'UNESCO

La Palmièra d'Elx es sus la lista del Patrimòni Mondial de l'UNESCO dempuèi 2000, es una granda estenduda de palmièrs que se tròba en plen centre de la vila. Es la pus granda palmièra d'Euròpa, pus espandida que qualques palmièras arabias. La palmièra es compausada de mai de dos cents mila palmièrs. Se ditz que son les Cartagineses que trobèron dins aquelas tèrras de la còsta mediterranèa espanhòla un luòc propici a aquela cultura. L'espècia principala de la palmièra es lo Phoenix dactylifera, menat pels musulmans quand ocupavan la Peninsula Iberica.

L'Òrt del Curat[modificar | modificar la font]

Lo Palmièr Imperial dins l'Òrt del Curat.

Los mai bèls palmièrs e los mai vièlhs se tròban dins l'Òrt del Curat. Son nom ven de son ancian proprietari de 1918. Qualques subjèctes an mai de 300 ans. Cal saber qu'un palmièr pòt viure de 250 a 300 ans. Aqueles palmièrs son de la meteissa espècia qu'aqueles d'Iran. Son de palmièrs datilièrs e fructifican en decembre. Existisson tanben d'autras espècias tropicalas.

Situats dins l'Òrt, sèt pès enòrmes forman coma un candelièr que recep lo nom de Palmièr Imperial en onor a l'imperatriz Elisabeth de Wittelsbach, que visitèt lo jardin en 1894 e declarèt qu'èran digne d'un empèri.

Vista d'Elx