Eclesiastès

Un article de Wikipèdia, l'enciclopèdia liura.
Anar a : navigacion, Recercar

L'Eclesiastès (traduccion grèga de l'ebrieu קהלת Qohelet 'predicaire') es un libre del Tanakh e de l'Ancian Testament de la Bíblia crestiana, del grop apelat sapiencial o didactic o Ketuvim.

Es una colleccion populara de leis e de provèrbis que serviguèron de guida als josieus e als crestians e mai se s'ataca als principals postulats de la saviesa tradicionala de son temps. Lo libre de l'Eclesiastès se trapa dins un òrdre diferent dins lo Tanakh e la Bíblia crestiana. Es escrich en primièra persona e lo narrator se presenta coma rei d'Israèl.

Son biais d'escriure es una mescla de poesia e de pròsa, se vei malaisidament lo limit entre una e l'autra. Lo ritme es irregular e i a abondància de frasas longas e complicadas, mas la sintaxi e lo lexic son paures. A despart d'aquò la descripcion de la vielhesa qu'acaba lo còs de l'òbra se pòt considerar coma un dels melhors tèxtes de la poesia biblica.

L'òbra es constituida d'una combinason de provèrbis, exemples, parabòlas, confessions, exortacions. Se dins la màger part del tèxt, una tonalitat sceptica domina, la vanitat de l'existéncia umana es mesa en valor, Qohelet afortís ça que la, qu'abans la venguda de la mòrt, cal aprofechar de totas las bonas causas de la vida coma un present de Dieu.


Nom del libre[modificar | modificar la font]

Lo nom ebrieu del libre, Qohelet, deriva de qahal (קהל, 'congregacion', 'public') e significa « lo que parla a l'assemblada de fidèls » (en latin, ecclesia) o "president", "convocator", "orator", "porta-paraula d'una acampada". « predicador ». L'autor Qohelet se noma el-meteis, "filh de David" e "rei de Ierusalem", atributs tradicionals de Salomon. La significacion del mot ebreu " Qohelet" es incertana.