Ebenezer Cobb Morley

Un article de Wikipèdia, l'enciclopèdia liura.

Ebenezer Cobb Morley (18311924) èra un esportiu britanic. Aguèt una influéncia decisiva dins l'unificacion e lo desvolopament dau fotbòl gràcias a la fondacion de la federacion britanica. Per aquela rason, es de còps dich « lo paire dau fotbòl ».

Nascut a Hull, quitèt la vila en 1853 e s'installèt a Barnes en 1858 onte participèt a la fondacion dau Barnes Club en 1862. En 1863, prepausèt per lo premier còp la fondacion d'una associacion gropant lei clubs de fotbòl britanics. Aquela idèa foguèt annonciada dins la premsa e permetèt la formacion de la Football Associacion (FA). Aquela federacion foguèt pauc a pauc jonhada per leis autrei clubs britanics dins la fin deis annadas 1860 permetent d'unificar lei reglas dau fotbòl e l'organizacion dei premierei competicions. Morley foguèt lo premier secretari de la FA de 1863 a 1866 e son segond president de 1867 a 1874. Coma jogaire, participèt a la premiera partida organizada en dos clubs, Barnes còntra Richmond, en 1863 puei a la premiera partida oficiala en 1866 entre Londres e Sheffield.