Dustin Hoffman

Un article de Wikipèdia, l'enciclopèdia liura.
Anar a : navigacion, Recercar

Dustin Lee Hoffman (Los Angeles, 8 d'agost de 1937) es un actor, comedian e realizador american dels mai famoses. Venguèt celèbre internacionalament gràcias a son interpretacion dins lo film Lo Laureat e sa capitada se faguèt mai intensa amb divèrses films coma per exemple Macadam Cowboy (1969), Little Big Man (1970), Los gosses de palha, Papillon, Marathon Man, Kramer contra Kramer, Tootsie, Rain Man, Hook demest mantun autre. Sas interpretacions foguèron guerdonadas amb un Òscar de melhor actor per Kramer contra Kramer e Rain Man, cinc Golden Globes, quatre Baftas, tres Drama Desk Awards, un Genie Award e finalament un Emmy Award. Dempuèi 2012 se consagra a la realizacion qu'entamenèt amb lo film Quartet.

Biografia[modificar | modificar la font]

Dustin Hoffman nasquèt en 1937 a Los Angeles, dins una familha de classa mejana d'origina jusieva, qu'aviá sas originas en Ucraïna e en Romania. Es lo segond enfant d'Harry Hoffman que trabalhava coma decorador dins los estudis de la firma cinematografica Columbia Pictures e de Lillian Hoffman (nascuda Gold). Son fraire ainat, Ronald, es avocat e economista. Dustin se diplomèt a la Los Angeles High School en 1955 e se destinava inicialament a l'estudi de la medecina qu'entamenèt al Santa Monica College. Pasmens al cap d'un an Dustin abandonèt l'universitat e partiguèt estudiar l'art dramatic a la Pasadena Community Playhouse primièr, abans de se n'anar a Nòva York pr'amor d'i seguir los corses del celèbre Lee Strasberg, a l'Actor's Studio. Quand anoncièt a la familha que voliá venir actor, sa tanta Pearl li diguèt: «Pòdes pas èsser actor, siás pas pro polit».

Sa carrièra comencèt a debon en 1964 quand participèt a une pèça de teatre escricha per Samuel Beckett, En esperar Godot. Durant son interpretacion d'un nazi transvestit e gibós dins Eh ? a Broadway, Mike Nichols lo remarquèt e li prepausèt lo ròtle principal del film Lo Laureat en 1967, çò que li portèt una nominacion a l'Oscar del melhor actor. Hoffman i interpretava lo personatge de Benjamin Braddock, que torna dins sa familha sortida de la nauta borgesiá de California aprèp l'obtencion de son diplòma universitari e se vei implicat dins una aventura amb Dòna Robinson, la femna de l'associat de son paire. En mai de 1969 se maridèt amb Anne Byrne.

En 1982, son interpretacion dins Tootsie que s'i desguisava en femna per trobar un trabalh d'actor e sortir del caumatge li portèt una consagracion internacionala e un enòrme succès comercial, çò que li valguèt una cinquena nominacion per l'Oscar del melhor actor.

Foguèt operat del cancèr en agost de 2013.

Filmografia[modificar | modificar la font]

Dustin Hoffman durant la primièra de Quartet a París
  • 1967 The tiger comes out
  • 1967 The Graduate
  • 1968 Madigan's Millions
  • 1969 Midnight Cowboy
  • 1969 John and Mary
  • 1970 Little Big Man
  • 1971 Who Is Harry Kellerman and Why Is He Saying Those Terrible Things About Me?
  • 1971 Straw Men
  • 1972 Alfredo, Alfredo
  • 1973 Papillon
  • 1974 Lenny
  • 1976 All the President's men
  • 1976 Marathon Man
  • 1978 Straight Time
  • 1979 Agatha
  • 1979 Kramer vs. Kramer
  • 1982 Tootsie
  • 1985 Death of a Salesman
  • 1987 Ishtar
  • 1988 Rain Man
  • 1989 Family Business
  • 1990 Dick Tracy
  • 1991 Billy Bathgate
  • 1991 Hook
  • 1992 Hero
  • 1995 Outbreak
  • 1996 American Buffalo