Dom Juan o lo Festin de pèira

Un article de Wikipèdia, l'enciclopèdia liura.
Anar a : navigacion, Recercar

Dom Juan o Festin de Pèira (en francés Dom Juan ou le Festin de pierre qu'ei ua pèça en 5 actes escrita en pròsa de Molière. Que ho interpretada peu purmèr còp lo 15 de heurèr de 1665 au Teatre deu palais Reiau. Qu'ei basada suber l'argument de l'òbra espanhòu atribuida a Tirso de Molina : El Burlador de Sevilla.

Personatges[modificar | modificar la font]

  • Dom Juan: hilh de Dom Louis.
  • Sganarelle: vailet de Dom Juan.
  • Done Elvire: molher de Dom Juan.
  • Gusman: escudèr de Done Elvire.
  • Dom Carlos & Dom Alonse: hrairs de Done Elvire.
  • Dom Louis: pair de Dom Juan.
  • Charlotte & Mathurine: paisanas.
  • Pierrot: paisan.
  • Estatua deu Comandator.
  • La Violette & Ragontin: laquais de Dom Juan.
  • M. Dimanche: marchand.
  • La Ramée: espadassin.
  • Francisque: un praube.
  • Un Espectre.

Resumit[modificar | modificar la font]

Dom Juan qu'ei un libertin seductor e até qui aima de colleccionar las conquestas amorosas dab l'ajuda deu son vailet Sganarelle. Ua de las darrèras qu'ei done Elvire, qu'a quitament sortida d'un convent per l'esposar e l'abandonar après. Que'u torna trobar totun e que l'avisa de mes•hidà's de las consequéncias deus sons actes. En mei d'aquò los hrairs d'Elvire, que cercan don Juan entà venjar l'onor familiau. Tot au long de la pèça, lo personatge de don Juan que's muisha irrespectuós de las hemnas, deu son pair, deus praubes (que perpausa a un medicant de'us dar un sòus en escambi de jurar contra Diu), de las leis (qu'engana dab seduccion e ipocrisia lo son creditor), de la religion e deus morts ; qu'ei atau que mia la provocacion au punt d'obligar Sganarelle devath las soas miaças d'invitar l'estatua deu comandator qu'aucidè quauques temps a, après d'aver ensajat de sedusir la soa hilha. Aqueste qu'accepta l'invitacion e que la torna a don Juan. Mes en garda per Elvire puish per un Esectre, don Juan qu'arrefusa ua darrèra vegada de s'arrepentir e l'estatua que'u s'emporta dab eth.