Diagrama de Gantt

Un article de Wikipèdia, l'enciclopèdia liura.
Anar a : navigacion, Recercar

Lo diagrama de Gantt es una aisina utilizada (sovent en complement d'un malhum PERT) en ordenançament e gestion de projècte e permetent de visualizar dins lo temps las divèrsas tascas ligadas compausant un projècte (s'agís d'una representacion d'un graf connèxe, valuat e orientat). Permet de representar graficament l'avançament del projècte...

Lo concèpte foguèt desvolopat per Henry Laurence Gantt, engenhaire estatsunian, vèrs 1910.

Enjòcs del diagrama de Gantt[modificar | modificar la font]

Aquela aisina respond a dos objectius: planificar d'un biais optimal e tanben comunicar sus la planificacion establida e las causidas qu'impausa. Lo diagrama permet:

  • de determinar las datas de realizacion d'un projècte,
  • d'identificar los marges existissent sus qualques tascas,
  • de visualizar d'un sol còp d'uèlh lo retard o l'avançament dels trabalhs.

Lo diagrama de Gantt resòlv pas totes los problèmas, en particular se cal planificar de fabricacions que venon en concurréncia per l'utilizacion de cèrtas ressorsas de l'entrepresa. Dins aquel cas, es necessari d'utilizar d'algoritmes pus complèxes eissits de la recèrca operacionala e de la teoria de l'ordenançament. Pasmens, es sovent possible de trobar de solucions satisfasentas en aplicant simplament de règlas de prioritat euristicas. Lo metòde consistís a plaçar las tascas a efectuar dins lo diagrama de Gantt dins l'òrdre definit per la prioritat e prenent en compte de ressorsas encara disponiblas. Las règlas mai correntas son:

  • prioritat a la realizacion de las fabricacions que lor data de liurason es pus prèpa,
  • prioritat a la primièra comanda arribada,
  • prioritat a las fabricacions que lor durada totala es pus corta,
  • prioritat a las fabricacions qu'utilizan mens de ressorsa critica,
  • prioritat a las fabricacions que dispausan del minimum de marge global.

Biais d'utilizacion del diagrama de Gantt[modificar | modificar la font]

Dins un diagrama de Gantt se representa:

  • en abscissa las unitats de temps (exprimidas en mes, en setmana o en jorn)
  • en ordenada los diferents pòstes de trabalh (o las diferentas tascas)
Gantt-chart.png

La durada d'utilizacion d'un pòste de trabalh (o la durada d'execucion d'una tasca) es materializada per una barra orizontala. Es tanben frequent de materializar, per de flèchas, los ligams de dependéncia entre las tascas (la flècha liga la tasca precedenta a la tasca seguenta). Dins la practica, e a la diferéncia del PERT, lo diagrama de basa es sovent completat en linha per la lista de las ressorsas affectadas a cada tasca e mai indicators, foncion de la carga o del delai, permetent de ne seguir l'avançament.


Las datas al mai leu e al mai tard[modificar | modificar la font]

Concernissent los delais, GANTT permet de determinar las datas al mai leu, que se pòt començar una operacion, e al mai tard, data mai desfavorabla mas que metrà pas lo projècte en perilh. Las datas al mai tard son las datas de vigilar dins un projècte.

Logicials informatics pels diagramas de Gantt[modificar | modificar la font]


Vejatz tanben[modificar | modificar la font]

Articles connèxes[modificar | modificar la font]