Demografia de Japon

Un article de Wikipèdia, l'enciclopèdia liura.
Anar a : navigacion, Recercar

Japon es lo primièr païs asiatic que coneguèt un regim demografic modèrn, post-revolucion demografica. Es tanben un dels païs mai amenaçats per una diminucion de sa populacion.

Composicion etnica, lingüistica e religiosa[modificar | modificar la font]

Lo Japon foguèt longtemps un païs omogenèu al ponch de vista etnica. L'etnia dominanta, la japonesa, deviá comptar amb una sola minoritat ( los Ainós) qu'èran concentrats dins lo nòrd del païs e qu'èran pauc nombroses.

Los forestièrs an sempre constituit de minoritats pauc importantas. La situacion a cambiat recentament e lo Japon compta ara amb una communautat forestièra significativa.

I a tanben d'autres divisions socialas importantas dins la societat japonesa. Una d'elas donèt naissença a un grop los ''Buraku'', reconeguts tanben coma minoritat en mai dels Ainós e dels Okinawans.

Los Ainós[modificar | modificar la font]

Lor nombre es ben reduch. 25 000 e qualques centenats tanben en Russia. I a de segur un nombre mai grands de japoneses qu'an un rèire ainó. Lor origina es encara discutida. Lor lenga es gaireben mòrta. I aviá 15 personas qu'utilizavan la lenga dins la vida vidanta dins las 1980s. Bensai un centenat pòt entendre o parlar mai o mens l'ainó dins lo nòrd de Japon mas aquò es controversiat. Segon l'UNESCO en 2006, i aviá 304 locutors e 23 782 Ainós a Japon en 2006. Lor lenga es pasmens ensenhada a l'escòla per ensajar de la revitalizar. Es una lenga amenaçada.

Los Ryukyuans[modificar | modificar la font]

Aquela etnia se tròba dins la prefectura de Okinawà. Apertenon a la familha japonesa, lors lengas essent inclusas dins la familha de las lengas japonicas. La provincia comptava 1 391 743 estajants lo primièr d'agost de 2010. Cal pasmens considerar que una partida importanta son pas de Ryukyuans mas son venguts d'autras provincias de Japon. Los dialèctes (amami, okinawan, miyako, yaeyamà, yonaguni) son en grèu dangièr d'escantiment segon lo siti l'aménagement linguistique du monde, Universitat de Laval, Canadà. Segon aquel siti, cada dialècte ( o lenga segon la classificacion causida), compta mens de 100 locutors[1].

Communautats immigradas[modificar | modificar la font]

Los Coreans[modificar | modificar la font]

Los Coreans son venguts a partir de las annadas 1920, per trabalhar a Japon. Lor nombre bomèt fins a ajónher gaireben 2 000 000 en 1945. Se la majoritat foguèt repatriada, una communautat demorèt que aguèt de s'acarar amb de dificultats de las bèlas per s'integrar a una societat istoricament pauc acostumada a recebre de forestièrs. En 2005, mai de 284 840 avián la ciutadanetat japonesa, als quales cal ajustar 598 687 residents. Al total, i aviá aperaquí 885 000 Coreans (0,7% de la populacion totala) en 2005. Aquel nombre es estable e se pòt estimar que son pas mai de 900 000 en 2012.

Los Chineses[modificar | modificar la font]

Pauc nombroses 20 ans fa ( 150 339 en 1990), èran 680 518 en 2009 (China, H.-K., Macau, Taiwan). Los etnics chineses son un pauc mai nombroses ( d'unes que i a venon de Singapor per example). Es una communautat que lo nombre créis rapidament, tot ben que siá una immigracion pauc establa e provisòria. Representavan en 2009, 0,54% de la populacion totala.

Los Filipins[modificar | modificar la font]

Aquela communautat s'es desvolopat dempuèi las annadas 1990. Comptava 211 716 residents en 2009 (1990: 49 092).

Los Brasilians[modificar | modificar la font]

Aqueles Brasilians son mai que mai de Brasilians qu'an un rèire japonés e que venguèron atraches per la prosperitat economica o lo desèg de ligar tornarmai mai fortament amb sos raices. De 56 429 en 1990, lor nombre passèt a 316 967 en 2007, e 267 456 en 2009, signe qu'aquela onda es a s'agotar. Sabon lo portugués e lo japonés.

Autras[modificar | modificar la font]

I a tanben 447 936 residents registrats en 2009 mas cap d'autra communautat trespassat los 100 000 membres. Se tracha mai que mai d'Asiatics, de descendents de Japonese des Peró o dels E.-U., d'Americans e de qualques Europèus. Aquela communautats dònan una cara novèla al païs que compta amb una communautat anglofòna de mai de 90 000 membres. I a tanben 60 000 ispanofòns (mai que mai Peruvians) e 10 000 francofòns. Coma l'occitan es ensenhat, qualques personas pòdon parlar la lenga blosa. Naoko Sano a publicat un diccionari occitan-japonés.

Religions[modificar | modificar la font]

Japon es un païs tradicionalament shintoista e bodista. Lo govèrn[2] estimava en 2009 que i aviá:

- 106 498 000 shintoistas

- 76 015 000 bodistas

- 2 122 000 crestians

- 9 010 000 autres (en majoritat de movements contemporanèus)

Demografia Istorica[modificar | modificar la font]

Evolucion de la populacion japonesa.

Annada Populacion en milieirats
- 4000 200/300
0 3 000
1000 7 500
1500 15 400
1600 18 500
1700 25 000
1800 26 000
1850 27 000
1870 32 500
1910 49 600
1940 71 900
1960 93 400
1980 117 100
2000 126 900
2010 128 100

las previsions de populacion son plan variables mas dònan en general 100 000 000 d'estatjants per 2050 e bensai 80 000 000 per 2100.

Situacion actuala e recenta[modificar | modificar la font]

Tendencias recentas[modificar | modificar la font]

La natalitat japonesa es plan flaca e Japon fa partida de las nacions amb los tausses de natalitat mai baisses del mond. La tendencia es a la baissa e, se la populacion coneis los meteisses fenomènes coma d'autres païses desvolopats, sas perspectivas son ennegresidas per una immigracion reducha que pòt pas porgir de naissenças novèlas en quantitat ( al contrari de païses coma França, E.-U. o R.-U. per exemple).

Annada Taus de natalitat Nombre de naissenças Feconditat
1970 18,8 1 934 000 2,13
1990 10,0 1 222 000 1,54
2000 9,5 1 191 000 1,36
2010 8,5 1 071 000 1,39
2011 8,3 1 051 000 1,39

Recensament de 2010[modificar | modificar la font]

Segon lo recensament de 2010, i aviá 128 057 232 abitants.

Fukushima e sas consequencias[modificar | modificar la font]

Lo tsunami e l'accident nuclear de Fukushima an causat 15 844 decesses (als quales cal ajustar 3 451 desapareguts). Çaquelà, las consequéncias demograficas mai importantes foguèron ligadas a l'emigracion d'una partida dels estangièrs, inquiets de la situacion a Fukushima. Segon l'agencia japonesa d'estatisticas[3], la populacion passèt de 127 930 000 en mars a 127 710 000 en abril (siá 220 000 personas de mens en un mes). Dempuèi aquela data la populacion s'es estabilizada ( estimacion oficiala de 127 730 000 per genièr 2012) amb lo retorn o l'arribada d'estangièrs.

Per març 2013, l'estimacion oficiala es de 126 393 679. Es basada subre l'estimacion d'un salde migratòri nulle.

L'accident de Fukushima marca istoricament la debuta de la baissa de la populacion japonesa après un maximum en 2010.

Sorgas e referéncias[modificar | modificar la font]

  1. L'aménagement linguistique du monde http://www.tlfq.ulaval.ca/AXL/asie/japon.htm
  2. http://www.stat.go.jp/data/nenkan/zuhyou/y2322a00.xls
  3. Japan statistical agency