Culex

Un article de Wikipèdia, l'enciclopèdia liura.

Culex es un genre de moissal, que mai d'una espècias son vectors de malautiás importantas, coma la fèbre del Nil occidental (Culex quinquefasciatus), la filariòsi, l'encefalita japonesa, l'encefalita de Sant Loís e lo paludisme aviari (Culex pipiens).

L'adulte mesura de 4 a 10 mm, format d'un cap, d'un torax, d'un abdomèn e possedís un parelh d'alas.

Cicle de vida[modificar | Modificar lo còdi]

Larvas de Culex dins l'aiga

Le cicle de desvolopament dura doas setmanas e implica una metamorfòsi completa: pendent los divèrses estadis i a de cambiaments de morfologia e tanben de talha).

Les uòus son ponduts individualament o en grop, segon l'espècia. Espelisson en preséncia d'aiga per donar una larva de primièr estadi. Los estadis larvaris successius son aqüatics e las larvas se noirisson de matèrias organicas e de plantas per abotir a una aumentacion de talha. Las larvas del seisen estadi evoluisson en ninfas, en forma de virgula. La ninfa arrèsta de se noirir e dona naissença a un adulte aprèp un jorn o dos.

Tièra de las espècias[modificar | Modificar lo còdi]

Existisson divèrsas espècias fòrça vesinas morfologicament mas diferentas per la morfologia de sas pèças genitalas.

Referéncias[modificar | Modificar lo còdi]