Crosaire sosmarin
Un crosaire sosmarin èra un tipe de sosmarin de talha granda destinat a assegurar de missions lòngas dins de regions alunchadas. Aqueu concèpte se desvolopèt a partir de l'adopcion de la doctrina de guèrra sosmarina d'outrança per la marina militara alemanda en 1917. Permetiá d'atacar lei convòis dins d'endrechs alunchats dau litorau onte lei naviris d'escòrta èran pus rars. Pasmens, lo còst e lei limits tecnologics limitèron lo nombre d'unitats produchas. De mai, sa talha importanta ne'n fasiá de butas pus aisadas per lei sonars e per leis armas antisosmarinas.