Corsa d'Aran per sa lengua

Un article de Wikipèdia, l'enciclopèdia liura.
Anar a : navigacion, Recercar

Era corsa d'Aran per sa lengua ei ua corsa que s'organize ena Val d'Aran eth darrèr dimenge de junhsèga tre er an 1993 pera associacion Lengua Viua entà promòir er occitan e promòir-ne eth sòn usatge sociau. Jos eth lèma de Frederic Mistral « qui ten era lengua, ten era clau », era corsa amasse ues 1000 persones que gessen des tres puntes dera Val d'Aran entà amassar-se ena plaça dera glèisa de Vielha. Dempús des parlaments, s'autrege eth prèmi Lengua Viua as persones o entitats qu'agen destacat pera sua òbra en favor der occitan ena Val d'Aran, e comence era hèsta e es concèrts.

Pendent es prumèrs 15 ans Nadau amenizèc era hèsta damb ua sòrta de concèrt diferenta a tot çò qu'era banda gascona hè normauments pr'amor d'un public que saute, cride, cante e dance totes es cançons en tot ondejar drapèus deth país. Ena edicion de 2009 es concèrts siguèren a cargue deth grop aranés Bramatopin e dera banda bigordana Parpalhon.

Cada an, pendent eth madeish dia s'organize en Hòs, ena Val d'Aran francesa, ua pròva esportiua de prestigi que talhe era carretèra d'accès ath cap de Gasconha, çò que hè a suspectar qu'er eveniment dèu de shordar a cèrtes autoritats jacobines. Ei recomanable, donques, consultar es oraris en qué era carretèra ei talhada.