Consistòri del Gai Saber

Un article de Wikipèdia, l'enciclopèdia liura.
Anar a : navigacion, Recercar
Clamença Isaura, patrona imaginària deus Jòcs Floraus

Lo Consistòri del Gai Saber (tanben escrivut Consistori del Gay Saber dens la soa forma arcaïca) qu'ei ua de las purmèras acadèmias deu mòn occidentau, fondada a Tolosa en 1323 entà dehéner las letras occitanas.

Creat per 7 borgés mondins que ho per ua brèva estona aperat Consistori dels Sept Trobadors o Sobregaya Companhia dels Set (VII) Trobadors de Tolosa.

Lo Consistòri qu'instaurè ua competicion aperada Jòcs Floraus e, entà definir las exigéncias literàrias e linguisticas, que hargoè la purmèra gramatica occitana : las Leis d'Amor (redigidas per Guilhem Molinièr enter 1328 e 1337).

En 1471 totun, Pèire de Janilhac qu'arrecebò la vrioleta per ua composicion francesa dab la mencion "n'ostan qu'el fos Frances, per so que dictec el lengatge de Tholosa" ; a partir de 1513 lo Consistòri que vadó Collège de rhétorique et de poésie françaises e que hore tornat batejat Acadèmia deus Jòcs Floraus (Académie des Jeux floraux en francés) en 1694.

Enter los grans escrivans francés, Pierre Ronsard e Victor Hugo que horen premiats aus Jòcs Floraus.