Compromís

La Coalició Compromís, mai coneguda coma Compromís, es una formacion politica valenciana. L'entitat, sortida d'una coalicion que compren lo BLOC Nacionalista Valencià, Iniciativa del Poble Valencià e Els Verds - Esquerra Ecologista, e mai un nombre important de personalitats independentas, e d'autres partits mai minoritaris encara coma Estat Valencià, foguèt creada en genièr de 2010 per poder participar amassa a las eleccions valencianas e municipalas de 2011.

E mai se la formacion èra plan minoritària a la debuta, sabèt ganhar dapasset d'importància al Pas Valencian, e son progrès dins la societat valenciana es estat encara mai notable durant las Eleccions del Parlament Europèu de 2014 quand ganhèt 1 sèti gràcias a sos resultats onorables de 7,94% dels sufragis.

Demest las personalitats mai emblematicas, dinamicas e tanben polemicas del partit, figura Mònica Oltra.