Composicion d'una equipa de rugbi de XV

Un article de Wikipèdia, l'enciclopèdia liura.

Una equipa de rugbi de XV es compausada de quinze jogaires avent de pòstes plan definits. Uèit d'entre eles son los avants, repartis en tres linha: dos pilars e un talonaire en primièra linha, dos segonda linha, dos tresena linha ala e un tresena linha centre en tresena linha. Los sèt autres son los arrièrs amb une nosada compausada del mièg de mesclada e del mièg de dubertura, quatre tres quarts (dos al centre e dos a las alas) e un arrièr.

Los avants[modificar | Modificar lo còdi]

Primièra linha (1, 2 e 3)[modificar | Modificar lo còdi]

Los jogaires numerotats 1 e 3 son los pilars esquèrra e drech. Dins las mescladas, acòstan lo talonaire e constituisson la primièra linha. Lor ròtle principal es de butar en mesclada e de "desencombrar" pendent regropaments o mesclanhas per aparar o recobrar lo balon. Pendent las tòcas, se vei mai sovent lo talonaire lançar lo balon e los pilars portar los sautaires. Mas dins lo rugbi modèrne, es totjorn mai rare de vire los jogaires de primièra linha lo balon a la man, mas subretot de placar de contunh. Son los jogaires dels mai pesucs de l'equipa; la seuna velocitat e tecnica de passa son tanben d'avantatges.

Lo talonaire es a l'ora d'ara sovent considerat coma un quatren tresena linha. Mai aviat e explosiu, se vei sovent crear de brècas aprèp las terriblas cargas dins lo ridèl defensiu advèrs. Per jogar talonaire, a quin que siá nivèl, lo coratge es una valor de primièra. En efècte, amb las seuna postura de sacrificat pendent las dintradas en mesclada, s'a de ligar amb los seus dos pilars, drech e esquèrra, puèi que la confisança dins aqueles darrièrs es importanta. Mas lo ròtle primièr d'un talonaire es, de segur, de talonar lo balon quand es introduch dins la mesclada. Aquel gèste deu èsser aviat e biaisut per que lo balon atenga aviadament los pès del tresena linha centre, sens trebolar lo trabalh de las segonda linha. Lo talonaire es doncas sovent un menaire d'òmes que deu saber metre en confisança los seus avants. Es doncas pas rare que lo talonaire capiteneja l'equipa.

Qualques pilars: Jason Leonard(ANG), Wilson Whineray(N-Z), Os du Randt(AFS), Nicolas Mas(FRA), Jean-Pierre Garuet-Lempirou(FR), Christian Califano(FR),Sebastian Bozzi(ARG), Tendai Mtawarira, Sylvain Marconnet, Martin Castrogiovanni

Quelques jogaires al pòste de talonaire: Sean Fitzpatrick(NZ), Keith Wood(IRL), John Smit(AFS), Brian Moore (ENG), Anton Oliver (NZ), William Servat(FRA), Keven Mealamu(NZ),Camille Chat(FRA), Raphaël Ibañez(FRA) Dimitri Szarzewski

Segonda linha (4 e 5)[modificar | Modificar lo còdi]

Los segonda linha (numèros 4 e 5) son tradicionalament los mai grands jogaires de l'equipa. Participan activament a la butada pendent las Mescaladas, desencombran dins los regropaments per aparar o recobrar lo balon, e saltan mai sovent en tòca. Los cinc de devant representant la poténcia de combat de l'equipa. Se pòt remarcar un jòc diferent del N°4, e del N°5. En efècte, lo numèro 5 es considerat coma un vertadièr motor en mesclada, qu'utiliza la seuna poténcia per far avançar lo seu molon, e se trapa mai sovent arrancar de balons a l'adversari que lo numèro 4. Aquel darrièr es puslèu considerat coma un jogaire mobil, capable de jogar balon a la man, e es doncas mai tecnic que le numèro 5. Pasmens, aquelas diferéncias son pas encora plan marcadas. Lo pòste de segonda linha es sovent considerat coma un pòste ingrat perqu'es rare de veire un segonda linha marcar d'ensags, o simplament aver un balon dins las mans. Pasmens son essencials al sen d'una equipa, tanben al nivèl psicologic que fisic.

Qualques segonda linha: Fabien Pelous(FRA), Colin Meads(NZ), John Eales(AUS), Martin Johnson(ANG), Frik Du Preez(AFS), Willie-John McBride(IRL), Malcolm O'Kelly(IRL), Lionel Nallet(FRA), Ali Williams(NZ),Rimas Alvarez Kairelis(ARG), Bakkies Botha(AFS), Victor Matfield(AFS)

Tresena linha (6,7 e 8)[modificar | Modificar lo còdi]

En tresena linha, i a dos tresena linha ala e un tresena linha centre.

Los tresena linha ala, (numèros 6 e 7), son de jogaires a l'encòp poderoses e mobils, fòrça aisits pels placatges per defendre eficaçament sus l'adversari. Lo parelh d'alièr es sovent compausat d'un jogaire long de talha sautaire en tòca e d'un autre, mai balès, que lo ròtle, en mai de placar, es de gratar o d'alentir las sortidas de balon de l'equipa advèrsa dins las mesclanhas. Lo pòste de tresena linha centre es mai sovent tengut per un jogaire d'experiença e de granda talha, possedant pron de reculada e d'autoritat per orientar lo trabalh dels seus equipièrs pendent las mesladas. Lo "neorugbi" privilegiant los jogiares totjorn mai denses, los tresenas linhas se fan sovent remarcar pendent la partidas pels seus placatges sovent destructors e las cargas suspoderosas. Es per aquò de jogaires se revelèron a l'escala internacionala, a causa de lor fisic puslèu de lor tecnica. Pensam alara a Sebastien Chabal o Henry Tuilagi.

Qualques tresena linha ala: Francois Pienaar(AFS), John Jeffrey(ESC), Jerry Collins(NZ), Neil Back(ANG), Michael Jones(NZ), Fergus Slattery(IRL), Josh Kronfeld(NZ), Richie McCaw(NZ), Thierry Dusautoir(FRA), Graham Mourie(NZ), Jean-Pierre Rives(FRA), Serge Betsen(FRA).

Qualques jogaires al pòste de tresena linha centre: Buck Shelford(NZ), Zinzan Brooke(NZ), Lawrence Dallaglio(ANG), Morne du Plessis(AFS), Walter Spanghero(FRA), Brian Lochore(NZ), Hennie Muller(AFS) Abdelatif Benazzi(FRA), Imanol Harinordoquy(FRA).

Los arrièrs[modificar | Modificar lo còdi]

Mièg de mescalada (9)[modificar | Modificar lo còdi]

Lo mièg de mescalda (numèro 9) anima lo jòc: es mai sovent aquel que recupèra lo balon a la sortida de la tòca, de mescalda o de mesclanhas. Causís de jogar a drecha o a esquèrra cap als arrièrs, de passar lo balon a l'un dels avants per ensejar d'avançar en percussion al ras du regropament, o, mai rarament, de frapar al pé al dessís de la defense advèrsa. Tanben introduch lo balon dins la mesclada. Destricat e viu, es capable de far de passas aviadas e precisas per dinamizar lo jòc.

Qualques jogaires a aquel pòste: Jérôme Gallion(FRA), Morgan Parra(FRA), Dimitri Yachvili(FRA), Byron Kelleher(NZ) , Pierre Mignoni(FRA), Danie Craven(AFS), Joost van der Westhuizen(AFS), Nick Farr-Jones(AUS), George Gregan(AUS), Jacques Fouroux(FRA), Gareth Edwards(GAL), Justin Marshall(NZ), Sid Going(NZ),Agustin Pichot(ARG), Piri Weepu(NZ)

Mièg de dubertura (10)[modificar | Modificar lo còdi]

Lo mièg de dubertura (o obreire, numèro 10) dirigís lo jòc: mai sovent, aprèp un regropament, una mesclada o una tòca, recèp lo balon del mièg de mesclada e, mercé a la seuna posidion mai reculada, possèda una melhora vision del jòc que li permet de causir cossí utilizar lo balon. Li cal decidir se frapa del pé, pòrte lo balon o lo passa. Possedís mai sovent un bon jòc al pé que li permet de trapar de tòcas o de metre en dificultat l'adversari, mas es pas totjorn el que frapa las penalitats e transformacions dins una equipa. La transmission 9-10 (mesclada-dubertura) es sovent la clau du bon foncionament d'una equipa. 9 e 10 forman la nosada.

Qualques mièg de dubertura: Phil Bennett(GAL), Naas Botha(AFS), Mark Ella(AUS), Barry John(GAL), Diego Dominguez(ITÀ), Jack Kyle(IRL), Michael Lynagh(AUS), Ian McGeechan(ECO), Cliff Morgan(GAL), Bennie Osler(AFS), Hugo Porta(ARG), Jonny Wilkinson(ANG), Stephen Larkham(AUS), Carlos Spencer(NZ), Grant Fox(NZ), Ronan O'Gara(IRL), Daniel Carter(NZ), Alan Williams(BEL), Francois Trinh-Duc (FRA)

Tresens quarts centre (12 e 13)[modificar | Modificar lo còdi]

Los centres (12 e 13): primièr e segond centres, en foncion de lor proximitat amb l'obreire, ensajon de perforar la defense advèrsa combinant tecnica, velocitat e poténcia, o de fixar lors adversaris per servir los tres quarts ala. Lo primièr centre pòt tanben, s'es performant al pé, agir coma un segond obreire. Lo second centre mai sovent un pauc mens rapid e mens poderós; fa la transition amb los alièrs.

Qualques exemples de jogaires de centre: Aurélien Rougerie(FRA),Jo Maso(FRA), Brian O'Driscoll(IRL), Danie Gerber(AFS), Tana Umaga(NZ), Yannick Jauzion(FRA), Mike Gibson(IRL), Tim Horan(AUS), Philippe Sella(FRA), Ashley Cooper(AUS), André e Guy Boniface(FRA), Maxime Mermoz(FRA), Gonzalo Canale(ITÀ)

Tres quarts ala o alièrs (11 e 14)[modificar | Modificar lo còdi]

Los alièrs esquèrra (11) e drech (14) son al tèrme de linha d'ataca. Son sovent d'una talha mai pichona, lor velocitat deu lor permetre de contornar la defense advèrsa. Son tanben de finissors, generalament los melhors marcaires d'ensags. En defensa, constituisson lo tresen ridèl e ajudan l'"arrièr" a contraatacar.

Qualques alièrs: Jonah Lomu(NZ), David Campese(AUS), Damian Penaud(FRA), Gerald Davies(GAL), Bryan Habana(AFS), John Kirwan(NZ), Rory Underwood(ANG), Christophe Dominici(FRA), Vincent Clerc(FRA),Shane Williams(GAL).

Arrièr (15)[modificar | Modificar lo còdi]

L'arrièr (15) deu aligar de capacitats de defendeire amb aquelas d'atacant. En defensa, es lo darrièr barri avant la linha dels pals e demòra sovent en arrièr per recèbre los balons frapats del pé per l'equipa advèrsa e començar la contrataca. En ataca, pòt judar l'ofensiva de l'equipa venguent en susnombre entre los tres quarts: se dich alara que s'intercala.

Qualques arrièrs: Christian Cullen(NZ), Don Clarke, George Nepia(NZ), JPR Williams(GAL), Gavin Hastings(ESC), Andy Irvine(ECO), Serge Blanco(FRA), Pierre Villepreux(FRA), Jason Robinson(ANG),André Joubert(AFS),Thierry Ruet(FRA), Maxime Médard (FRA)

De notar[modificar | Modificar lo còdi]

Las denominacions « mièg » e « tres quarts » venon de la division originala del prat en uèit linhas: los avants constituián las tres primièras linhas, los « miègs » constituián los quatren e cinquen que la nocion de mièg (4/8), puuèi venián los « tres quarts » (6/8), e fin fanala l'arrièr (quatren quart, o « quart arrièr »).

Los resultats d'una equipa dependon sovent de las performanças dels jogaires que ne compausant la colomna vertebrala (se dich pòstes claus), es a dire l'axe central 2-8-9-10-15.

Ligams extèrnes[modificar | Modificar lo còdi]

Legenda[modificar | Modificar lo còdi]