Compòst

Un article de Wikipèdia, l'enciclopèdia liura.
Site de compostage en Alemanha.

Lo compòst[1], o terrumèr, es lo resultat de la bio-oxidacion e de l'umificacion (fermentacion) de matèria organica. Lo compòst es un ingredient clau de l'agricultura biologica.

Lo compòst es conegut dempuèi plan longtemps pelsagricultors, qu'es estat mes a l'onor perqué valorisa la part organica de las deishas. Aquel procediment de descomposicion s'apèla compostage e constituís una faiçon de prene suènh dels degalhs domestics o dels degalhs de jardin biodegradables. Un còp lo procediment acabat, demòra de la tèrra que pòt èsser utilizada, per exemple, dins de plantacions o mesclada a d'autras tèrras coma emendament del sòl. Los procediments de compostage necessitan normalament de l'oxigèn (procediment aeròbi). Se l'accès a l'oxigèn es mancant, un procediment anaeròbi se produtz (sovent apelat digestion). Lo compostage normal pòt èsser caracterizat coma una combustion biologica lenta e descompausa dins la mai granda mesura la matèria organica en dioxid de carbòni e en aiga. La digestion, ela, se descompausa en gas combustible, coma lo metan, sovent apelat dins aquel contèxt biogàs .

Existís del compost freg e del compost caud. Un compost caud es isolat e conven melhor als degalhs alimentaris, mentre qu'un compost freg es dobèrt e conven melhor als degalhs de jardin.

Nòtas e referéncias[modificar | Modificar lo còdi]

  1. (oc) de Cantalausa, Joan. Diccionari general occitan: a partir dels parlars lengadocians, p. 272. ISBN 2-912293-04-9.