Christiane Kubrick

Un article de Wikipèdia, l'enciclopèdia liura.
Anar a : navigacion, Recercar

Christiane Kubrick, nascuda Christiane Susanne Harlan (Brunswick, Alemanha, 10 de mai de 1932) es una actritz, cantaira, dançaira e pintra alemanda. Foguèt la femna del realizador Stanley Kubrick dempuèi 1958 fins a la mòrt d'aqueste en 1999.

Biografia[modificar | modificar la font]

Christiane Harlan èra una de las nebodas del realizador alemand Veit Harlan. Companha del cineasta Stanley Kubrick dempuèi 1957, encontrèt lo seu futur marit pendent lo filmatge de Paths of Glory qu'interpretava un cant militar alemand pendent la darrièra scèna. En 1957, divorcèt de son primièr marit Werner Bruhns amb que aguèt una filha Katarina, nascuda en 1953. Se maridèt amb Kubrick en 1958, ensems an doas filhas: Anya, nascuda lo 6 d'abril de 1959 e Vivian, nascuda lo 5 d'agost de 1960.

Christiane Kubrick abandonèt son mestièr d'actritz, qu'exercissiá jol nom de scèna Susanne Christian, per se consacrar a la pintura.

Stanley Kubrick utilizèt las telas de sa femna pels decors dels films A Clockwork Orange (interior de la dama dels cats) e Eyes Wide Shut (interior de l'apartament del Dr Hardford). E dins aquel film faguèt una apareisson, darrièr Tom Cruise dins lo Cafè Sonata.

Son fraire, Jan Harlan, venguèt lo productor executiu de Kubrick a partir de 1975 (Barry Lyndon e suls films seguents). En 2001, realizèt un documentari de 142 minutas: Stanley Kubrick: A Life in Pictures.

Ligams extèrnes[modificar | modificar la font]