Chieftain

Un article de Wikipèdia, l'enciclopèdia liura.
Anar a : navigacion, Recercar

Lo carri FV4201 Chieftain es un carri de combat principau de segonda generacion britanic desvolopat de 1956 a 1961. Intrèt en servici en 1966 au sen de l'armada britanica e conoguèt un succès a l'exportacion dins lei país d'Orient Mejan car Iran, Iraq, Jordania, Kowait e Oman l'adoptèron. Existisse unei versions diferentas (Mark 1 a 13 dins l'armada britanica), compres de versions localas. Demorèt en servici fins a 1995 dins lo Reiaume Unit fins a son remplaçament progressiu per lo Challenger 1 de tresena generacion.

Lei carris iranians participèron a la Guèrra Iran-Iraq onte conoguèt de pèrdas importantas còntra lei T-55 e T-62 iraquians coma durant la batalha de Dezful. Un centenau de carris Chieftain e M60 Patton i foguèron perduts cònta solament 50 T-55 e T-62. Pasmens, d'errors de comandament importantas foguèron realizadas durant la batalha per l'armada iraniana. Per la seguida, corrèctament comandats, lei Chieftain iranians venguèron d'adversaris fòrça perilhós per leis Iraquians.