Chasteu de Bitin
Lo chasteu de Bitin se tròba a Serran, dins lo País de Tula, en Lemosin, dins lo departament de Corresa, a 10 km a l'est de Tula.
Istòria[modificar | Modificar lo còdi]
La familha daus Selva de Serran ne fuguet proprietària dempuei lo Regim Ancian: seriá estat crompat en 1715 per Esteve de la Selva de Serran, conselhier au Presidiau de Tula, e tornar vendut per la familha en 1843 que s'installet au chasteu de la Gana.
Trotski i demoret de julhet de 1933 a junh de 1935.
Durant la Segonda Guerra Mondiala, serviguet d'infirmariá de la Resisténcia.
Fuguet tornar crompat lo 3 de març de 1969 e restaurat per lo parelhat Chirac, aprep venir «monument istoric» per decision dau 3 d'abriu de la mesma annada. Los archius dau chasteu semblan èsser perduts.
En 1999, Jaume Chirac i recebet en visita privada Jiang Zemin, alara president de la Republica Populara de China.
Arquitectura[modificar | Modificar lo còdi]
Lo chasteu, que cremet en 1579, fuguet tornar bastit au començament dau segle XVII. Lo còrs de lòtja rectangulara es flancat de 'na tor carrada emb de las garitas en lampesa a chada angle.
Dos pabalhons dau segle XVIII bòrdan la cort en terrassa, que balha accés au jardin.
