Charles Barbier

Nicolas-Charles-Marie Barbier de la Serre nascut lo 18 de mai de 1767 à Valencianas (departament del Nord) e mòrt en 1841, foguèt oficièr de l'armada francesa conegut per aver ensajat un procèssus d'escritura dels sons en relèu: la sonografia.

Biografia

Capitani d'artilhariá, emigrat pendent la Revolucion, tornèt en França al començament del Empèri. Volguèt alara codificar e legir las instruccions de nuèch sens lutz. Inventèt vèrs 1808, aquel sistèma l'escritura nocturna. Presentèt un primièr còp son sistèma a l'Institut Nacional dels Joves Cecs (París) en 1820, mas lo director Guillié se mostrèt fòrça reservat. En 1821, Barbier faguèt una novèla temptativa. Lo nòu director, Pignier, estimèt que sols los joves cecs podián jutjar lo sistèma. Assemblèt los escolans per lor explicar lo sistèma e que l’experimenten amb de papièr embosat. D'entre los escolans èra Louis Braille que se mostrèt fòrça interessat.

Sonografia

Article detalhat : Sonografia.

Lo principi de la sonografia es de transcriure de sons (36) amb de punts de relèu plaçats sus una grilha de 2 × 6 punts.

Louis Braille se passionèt pel sistèma ingeniós de punts de relèus inventat per Barbier, mas qu'an lo desavantatge de transcriure solament las sonoritats, supriment l'ortografia, la gramatica, la pontuacion e ignorant las chifras. E a 16 ans, inventèt lo sistèma d’escritura que pòrta son nom e qu'utiliza una matritz de 2x3 punts, mai aisit d'aprendre amb la pulpa del det.

Vejatz tanben

Ligams extèrnes

• (fr)Biografia
• (fr)Presentacion del tablèu e del material