Champanhòl
Lo champanhòl (var. champanhòu) (nom autoctòn: champaignat) es siá una lenga romanica que fa partida de las lengas d'oïl, siá, segon una autra concepcion, un dialècte de la lenga francesa o (lenga d'oïl). Se parla en França e dins una pichona zona de Belgica (dialècte ardenés de transicion). Es practicament estench dins la totalitat del territòri davant la pression del francés estandard.
Localizacion[modificar | Modificar lo còdi]
Se parla concretament en França, en Champanha (region administrativa de Champanha-Ardena, levat de la zona de Givet que parla valon), dins Aisne (Picardia), Sèina e Marna (Illa de França) e Yonne (Borgonha) e dins cinc vilas de Belgica: Membre, Bohan, Bagimont, Pussemange e Sugny.
Normativizacion[modificar | Modificar lo còdi]
A pas cap de nòrma generalament acceptada.
Estatut legal[modificar | Modificar lo còdi]
Lo champanhòl es reconegut coma lenga regionala endogèna en Belgica, segon un decret de l'executiu de la Comunautat francesa adoptat en 1990. Benefícia, mai que mai per la preséncia als mèdias de comunicacion, de las accions del Burèu de las Lengas Regionalas Endogènas.
En França, benefícia pas de cap de legislacion al nivèl general e la ratificacion de la Carta Europèa de las Lengas Regionalas o Minoritàrias demòra blocada.