Cauna del Puèg Mèrle

Un article de Wikipèdia, l'enciclopèdia liura.
Anar a : navigacion, Recercar
Man negativa e pontuacions

La cauna ornada preïstorica del Puèg Mèrle es situada a Crabairet, dins los Causses de Carcin e lo departament d'Òlt. Se dobrís dins un puèg que domina la Val de Cèla. Henri Breuil declarèt que « la sala pintada de la cavèrna del Puèg Mèrle es coma la Capèla Sixtina dels Causses d'Òlt ».

Situacion e istoric[modificar | modificar la font]

Foguèt descobèrta lo 4 de setembre de 1922 per Andrieu Dàvid e Henri Dutertre, e estudiada per Amadèu Lemosin[1], André Leroi-Gourhan e Michel Lorblanchet.

En 1949, Andrieu Dàvid descobriguèt lo « Malhum del Combèl ». Amadèu Lemosin estudièt las pinturas descobèrtas.

Es classificada coma monument istoric e representa un dels sites pus importants de l'art paleolitic europèu.

L'art de Puèg Mèrle[modificar | modificar la font]

Reproduccion de las mans e del caval gravat suls murs de la cauna del Puèg Mèrle al Musèu de Brno, dins la Republica Chèca

La cauna compta dos sosensembles situats suls dos costats de l'entrada preïstorica:

  • a l'èst se pòt véser de pontuacions rojas, de cavals, un felin e, dins un diverticul sonat « lo Combèl », tres figuras imaginàrias qu'evòcan de cèrvis grands de las torbièras;
  • a l'oèst s'estend un malhum pus espaciós e pus ric, lo sol accessible per las visitas toristicas. Compren sensiblament una composicion nomenada « frisa negra » qu'assòcia un caval, de bisonts e de mamots, de detadas nombrosas al plafon, de mans negativas associadas a de pontuacions en mai del panèl apelat « dels cavals ponctuats ».

Referéncias[modificar | modificar la font]

  1. La grotte temple du Pech Merle, 1929.