Cauna de l'Aragó

Un article de Wikipèdia, l'enciclopèdia liura.
Anar a : navigacion, Recercar

Era Bauma de l’Aragó (loc. Cauna de l'Aragó) ei un site preïstoric que se trapa en eth vilatge de Talteüll en es Pirenèus Orientals (Catalonha Nòrd) laguens ua cavitat que tresplomba un cors d’aiga perenne, Verdubla. A deishat rèstes umanes atribuïdes ar òme de Talteüll e vestigis litics deth Paleolitic inferior.

Era Bauma de l'Aragó ei ena termièra enter Catalonha nòrd e Occitània

Situacion e descripcion[modificar | modificar la font]

Era Bauma de l’Aragó ei plaçada ena Catalohna Nòrd, en er èst des Pirineus, en eth Departament des Pirenèus Orientaus, ena comuna de Talteüll. Se trapa en un malh calcari deth massís des Corbièras (1). Ela tresplomba quauqu’es dotzenats de metres (Aué, 80 m, mens de 60 ena epoca der òme de Talteüll, sus ua vath on er arriu Verdubla deisha un canon tà serpejar en aguesta plana (2).

Era bauma ei longa de trenta metres, més podiá hèr cent vint pendent es temps preïstorics. Totun, ua part deth celéstre queiguec e eth hons s’auia daufit pendent aguest temps (3). Era sua longada maxima qu’ei de dètz metres (4). Era tuta se daubrís aué entarath sud més era gessuda erá tornada entarath èst auans dera embolnada (5).

Açò situec aguesta bauma en un loch privilegiat e a hét un abric ideal tàs caçaires-culheires preïstorics (2). Era dubertura der èst ei sus ua rancareda prientada entarath sud-èst, que permetia d’auer ua temperatura relativaments nauta pendent er ivern.

Eth relèu plan variat d’aguesta environa fornia plan de nins ecologics que, ath torn, fornien uns autes de caucilha: es animals adaptats ara riba (los vibres), e d’autes adaptats ath gèr. Aguest erá, a trauers des epoques e es climes succesius, caperada d’aforest (damb cèrvis e daines) més tamben auia animals adaptats ara estepa (shivaus, bisons, rinocerós, elefants) atau coma ervibòrs que demorauen sus terrenhs escalabrosi (buous muscats, rens ) (6). Ath cant, just en dejós dera bauma se trapava ua dralha per on marchaven bandades de grands ervibòrs e açò héia més aisida era caça (7). Era situacion nauta dera bauma héia d’aguesta un fantastic observatori tà caçar aguests animals ena plana (2) e protegia a sòns abitants des predadors.

Era riba pròche, jamès seca, fornia d’aiga més tamben de calhaus tà emplenar eth terra dera bauma o tà hèr otís. Era environa més luenhana, a mens de miei jorn de marcha (uns 30 Km) podia fornir tamben dab d’autes pèires tà fabregar otís de silex ( a Roquefort des Corbères), de jaspe roche (en Cornellà de Conflent), de qüars (en Sulatgé), d’arrocs volcanics (en eth còl de Cuissa (8) o d’autes minerals (en Rivesaltes).

Er òme de Taulteüll demorec aciu pendent milièrs d'annades

Interès scientific[modificar | modificar la font]

Era bauma de l’Aragó a sigut emplenada dab més de 15 metres de sediments, arrocs e material diuers pendent un periode d’enter 100.000 e 700.000 annades auans de Crist.

Eth nombre (eth perióde de huelhes de 1967 a 1994 a deishat ja 260.000 objectes: ossi, pèires, industria litica (9) e era riquesad’aguesti vestigis que balhen plan d’informacions sus es òmes preïstorics que ia an demorat, més tamben sus es animals e les plantes, tamben sus es climes que i a agut ena region pendent aguests 600.000 annades.

Recerques[modificar | modificar la font]

Coneguda dempús miei sègle XIX pes rèstes dera fauna, era bauma de l’Aragó a començat a balhar industries litiques preïstoriques en 1948 a J. Abelanet. Se hèren campanhes tà cercar huelhes sistematicament, dirigides per Henry de Lumley e se hén cada annada dempús abril 1964. Es prumères campanhes annals (1964, 1965, 1966) son de dus setmanes. De 1967 a 1978 un mes, dempús tres mesi (de 1979 a 1991) e dempús 1992 de cinc mesi. Aguesta bauma de l’Aragó a estat classada coma monument istoric en abril 1965 (10).

Es caçaires-culheires de Talteüll caçauen shivaus e buous, cèrvis e bisons

Stratigrafia e cronologia[modificar | modificar la font]

Dab son poderós remplenament, espés un dotzenat de metres, capera era grana partida deth Pleistocèn miei e a sigut objecte de nombroses temtatives de datacions radiometriques soent contradictories (11) (12) (13). Es edats mieges d’enter 700.000 a 350.000 annades an sigut obtengudes per datacion d’uranium-thorium pes pondes stalagmitics plaçats ena base e en desús dera economia estratigrafica.

Eth conjunt III[modificar | modificar la font]

Es principaus nivèus arqueologics se trapen en eth conjunt III (nivèus D a G) e son d’ua edat enter 300.000 e 450.000 annades. Aguest conjunt a liurat quauqu’es rèstes umanes fossils. Enter aguesti un crani sancer (cara frontal e parietal drech) atau coma dus gares atribuats ar òme de Talteüll(14).

Es industries de colcats més ancianes deth conjunt III an sigut classades laguens er Tayacian ancian, çò ei a díder Tautavelhian. An sigut hétes en qüars e mens en silex o qüarsita e son rascladors, e nombrosi otís encocats (denticulats, encocats, pontes de Tayac, becs, ect) atau coma calhaus talhats e bifaces escarsencs (mens d’un per cada 1000 otís) (15). Desús deth conjunt III es bifaces son proporcionauments més nombrosi e açò hec que’Henry de Lumley restaqués aguest industria a l’Acheulian miei.

Totun, aguest diferències son relatiues pr’amor qu’es efectius des bifaces son plan flacs en es nivèus G a D e pr’açò se pot pas díder qu’aguest otilhatge sia eth conjunt més gran d’aguesta industria.

Es materials utilizats son plan locals (80%) més quauqu’ns venen de 30 Km en eth nòrd-èst e sud-oèst e açò implicaria ua bona coneishença dera region atau coma ua anticipacion des besonhs (16).

Referéncies[modificar | modificar la font]

1.- a et b de Lumley 1998, p. 80

2.- a, b et c de Lumley 1998, p. 88

3.- a et b de Lumley 1998, p. 81

4.- Monchot 1998, p. 369

5.- a et b de Lumley 1998, p. 92

6.- de Lumley 1998, p. 88 - 90

7.- de Lumley 1998, p. 90, 91

8.- de Lumley 1998, p. 96

9.- Pois 2000, p. 189

10.-Notice no PA00104141 [archive], base Mérimée, ministère français de la Culture

11.- Lumley, H. de, Lumley, M.-A. de, Bada, J.L. et Turekian, K.K. (1977) - « The dating of the Pre-Neandertal remains at Caune de l'Arago, Tautavel, Pyrénées-Orientales, France », Journal of Human Evolution, 6, pp. 223-224.

12.- Lumley, H. de, Fournier, A., Park, Y.C., Yokoyama, Y. et Demouy, A. (1984) - « Stratigraphie du remplissage pléistocène moyen de la Caune de l'Arago à Tautavel - Étude de huit carrotages effectués de 1981 à 1983 », L'Anthropologie, t. 88, n° 1, pp. 5-18.

13.- Lebel, S. (1992) - « Mobilité des hominidés et système technique d'exploitation des ressources au Paléolithique ancien : la Caune de l'Arago (France) », Canadian Journal of Archaeology, vol. 16, pp. 48-69.

14.-Lumley, M.-A. de (1982) - « L'homme de Tautavel. Critères morphologiques et stade évolutif », in: Datations absolues et analyses isotopiques en préhistoire, méthods et limites, Lumley, H. de et Labeyrie, J., (Éds.), Colloque international du CNRS, Tautavel, 22-29 juin 1981, pp. 259-264.

15.- Lumley, H. de, Camara, A., Geleijnse, V., Krezpkowska, J., Park, Y-C. et Svoboda, J. (1979) - « Les industries lithiques de l'Homme de Tautavel », in: L'Homme de Tautavel, Dossiers de l'Archéologie, n° 36, pp. 60-69.

16.- Wilson, L. (1988) - « Petrography of the Lower Palaeolithic tool assemblage of the Caune de l'Arago », World Archaeology, 19, 3, pp. 376-387.

Bibliografia[modificar | modificar la font]

º Henry de Lumley, L'Homme premier, Paris, Le Grand Livre du mois - éd. Odile Jacob, 1998 (ISBN 2702812333)

Articles spécialisés[modifier | modifier le code]

º Monique Beiner, « Étude des minéraux lourds de la Caune de l'Arago et de son environnement », Bulletin de l'Association française pour l'étude du quaternaire, vol. 20, no 1, 1983, p. 19-23 (DOI 10.3406/quate.1983.1444, lire en ligne)

º Driss Bellai, « Le cheval du gisement pléistocène moyen de la Caune de 1'Arago (Tautavel, Pyrénées Orientales, France) », Quaternaire, vol. 9, no 4, 1998, p. 325-335 (DOI 10.3406/quate.1998.1614, lire en ligne)

º Driss Bellai, « Le Bison du gisement paléolithique inférieur de la Caune de l'Arago (Tautavel, Pyrénées orientales, France). Nouvelles données archéozoologiques », Paléo, no 10, 1998, p. 61-76 (DOI 10.3406/pal.1998.1128, lire en ligne)

º Patrick Brunet-Lecomte et Alexandra Cristina Paunesco, « Morphométrie comparée de la première molaire inférieure du campagnol Microtus (Terricola) Vaufreyi tautavelensis (Rodentia, Arvicolidae) du gisement Pléistocène moyen de l'Arago (Pyrénées, France) et inférences paléoclimatiques », Quaternaire, vol. 15, no 3, 2004, p. 263-268 (DOI 10.3406/quate.2004.1773, lire en ligne)

º Henry De Lumley, « Évolution des climats quaternaires d'après le remplissage des grottes de Provence et du Languedoc méditerranéen », Bulletin de l'Association française pour l'étude du quaternaire, vol. 2, no 2, 1965, p. 165-170 (DOI 10.3406/quate.1965.997, lire en ligne)

º Thierry Lefebvre, « Joseph Farines (1792-1864), inventeur de la Caune de l'Arago et fondateur de la Société philomathique de Perpignan », Revue d'histoire de la pharmacie, 94e année, no 352, 2006, p. 534-537 (lire en ligne)

º Hervé Monchot, « La fragmentation des os longs du Mouflon de la Caune de l'Arago (Tautavel, France) : une origine anthropique », Paléo, Société des amis du Musée national de préhistoire et de la recherche archéologique, vol. 9, no 1, 1997, p. 55-68 (ISSN 1145-3370, DOI 10.3406/pal.1997.1228, lire en ligne)

º Hervé Monchot, « Les petits bovidés de la Caune de l'Arago (Tautavel, France) : intérêt biostratigraphique, archéozoologique et taphonomique », Quaternaire, vol. 9, no 4, 1998, p. 369-377 (DOI 10.3406/quate.1998.1619, lire en ligne)

º Sophie Montuire et Emmanuel Desclaux, « Analyse paléoécologique des faunes de mammifères et évolution des environnements dans le Sud de la France au cours du Pléistocene », Quaternaire, vol. 8, no 1, 1997, p. 13-20 (DOI 10.3406/quate.1997.1554, lire en ligne)

º Véronique Pois, « Habitats préhistoriques au Paléolithique inférieur : étude de l'ensemble stratigraphique II de la Caune de l'Arago (Tautavel, Pyrénées-Orientales, France). Approche informatique du mode de vie de l'Homme de Tautavel », Quaternaire, vol. 11, no Numéro 3-4, 2000, p. 187-196 (DOI 10.3406/quate.2000.1668, lire en ligne)

º Véronique Pois, « Apport de l'informatique à l'étude d'un remplissage karstique. Exemple de la Caune de l'Arago à Tautavel (Pyrénées-Orientales, France) », Quaternaire, vol. 8, no 2-3, 1997, p. 143-147 (DOI 10.3406/quate.1997.1568, lire en ligne)