Castèl d'aiga de Tolosa

Un article de Wikipèdia, l'enciclopèdia liura.
Anar a : navigacion, Recercar
Castèl d'aiga Laganne

Lo castèl d'aiga Lagana es una torre de bricas situada prèp del cors Dillon, prèp del Pont Nòu, a Tolosa, e dominant la prada dels filtres. D'en primièr èra un castèl d'aiga puèi venguèt en espaci d'exposicion fotografic.

Istòria[modificar | modificar la font]

La premièra foncion d'aquel castèl d'aiga èra de distriar l'aiga de Garona, captada e filtrada a qualques mètres d'aquí, sus la prada dels filtres.

Foguèt un capitol Carles Lagana que, en 1789, leguèt a la vila cinquanta mila francs-aur per tòca de « distriar d'aigas de Garona, puras, claras e agradablas de beure ». A la fin de sa construccion en 1828 aprèp cinc ans de trabalhs, l'obratge permetèt de distriar d'aiga potabla a prèp de seissanta mila Tolosencs.

La primièra partida del castèl d'aiga abrigava de ròdas per levar l'aiga. La partida superiora de l'ensems èra per las sèrvas e lo contraròtle de la maquinariá.

En 1870, de capacitat insufisenta, lo castèl d'eau daissèt de distriar d'aiga e foguèt transformat en depaus d'aisinas per la vila.

Galariá del castèl d'aiga[modificar | modificar la font]

Exposicion Antanas Sutkus en 2011

Dempuèi 1974, lo monument es une galariá e un musèu reservat a la fotografia. De contunh se succedisson las exposicions de produccions d'artistas famoses. Es Jean Dieuzaide qu'inicièt aquel projècte.

Aquela galariá recep la visita de mai de 30 000 personas per an, prepausa fins a uèit exposicions cada annada, 330 monografias, 5000 tiratges originals e une bibliotèca fotografica (anciana e contemporanèa) de mai de 12000 òbras. Dempuèi 1989, lo castèl d'aiga prepausa un segon espaci d'exposicion jos una de las arcas del Pont Nòu amb un centre de documentacion.

Nòtas e referéncias[modificar | modificar la font]


Vejatz tanben[modificar | modificar la font]

Articles connèxes[modificar | modificar la font]

Ligams extèrnes[modificar | modificar la font]