Carnaval de Limós

Un article de Wikipèdia, l'enciclopèdia liura.
Anar a : navigacion, Recercar
Banda al carnaval de Limós

Lo Carnaval de Limós Ltspkr.png es un carnaval que se debana a Limós en Lengadòc dins lo departament d'Aude. Dura tres meses, de genièr a març, totas las dimenjadas e la setmana folclorica. Se caracteriza per una alternança de sortidas de bandas de pèiròts unicament sus la plaça principala de la vila. Lo carnaval de Limós es considerat coma lo mai long del mond.

Istoric[modificar | modificar la font]

Segon una tradicion que remonta al sègle XIV, los molinièrs celebravan la remesa de sas redevenças al monastèri de Prolha lo jorn de Dimars gras. Lo carnaval es celebrat a Limós dempuèi 1604. Aquò comença un dimenge matin del mes de genièr per "la partida dels molinièrs" que se celèbra en costum de molinièr: bonet roge, blòda e cauças blancas amb un foet e una biaça de farina. Las personas mascaradas se passejan per la vila en fasent petar lor foet e getant de farina e de dragèas. Dançan de farandolas al son dels aubòis e tambors.

Debanament[modificar | modificar la font]

Banda Las Coudenos

Aquel carnaval es fach de danças ritmadas, las fecas, acompanhadas per un quinzenat de musicians jogant d'aires tipics de Limós, anant d'un cafè a l'autre, precedits del grop qu'assegura la jornada. Los dançaires evoluisson religiosament en levant la carabena qu'es facha d'una cana enribanada, e getant de confettis sul cap dels badaires. Lo mot de fecas designa a l'encòp los personatges e las danças.

La sortida[modificar | modificar la font]

Las bandas e godils se costejan sens se mesclar jos las arcadas medievalas de la plaça de la Republica. Aquela plaça es bordada de 5 cafès. Las bandas sorton d'un cafè per anar dins l'autre. Una sortida representa un torn de plaça per una sola banda.

Tres sortidas son organizadas cada jornada de fin de setmana :

  • la sortida de 11 oras del matin es consacrada a un tèma de l'actualitat qu'es virat en trufariá ;
  • la sortida de 5 oras del vèspre se fa sus d'aires mens rapids e dins un costum causit per l'ensems de la banda;
  • la sortida de 10 oras del sèr es la pus solemna ; se debana a la lutz de las entòrchas sus un ritme lent, dins una atmosfèra estranha e ça que la tant familhièra.

La fin del carnaval[modificar | modificar la font]

La fin del carnaval se debana pendent la nuèit de la blanqueta de Limós amb lo jorn del jutjament de Sa Majestat Carnaval, jutjament en occitan que s'acaba per son lenhièr. A aquesta ocasion, la cançon Adieu Paure Carnaval es cantada per las fecas e lo public.

Las bandas[modificar | modificar la font]

Banda al carnaval de Limós

Una vintena de bandas animan caduna son torn lo carnaval. Las bandas se compausan d'una vintena de personas, vengudas de mitans diferents: pòdon representar un quartièr de la vila, un luòc precís, una corporacion o autre. Las règlas de recrutament a l'interior d'una banda son estrictas: prepausats per afinitats, los futurs membres devon èsser acceptats a l'unanimitat.

Se prepara longtemps a l'avança al darrièr dels cafès de la vila. Las règlas fixadas per lo comitat del carnaval fedèran e règlan lo balet del carnaval.

Los godils[modificar | modificar la font]

Los godils son de personas mascaradas que seguisson la banda darrièr los musicians. Se pòdon pas mesclar a la banda. An pas de règla per los costums : totas las mascaradas son possiblas. Escampan de confettis sul mond, secutan las filhas, e fan la "china": en amagant lor votz, interpèlan las gents que coneisson, e fan d'allusions a lor vida privada per provocar la geina.

Vejatz tanben[modificar | modificar la font]

Bibliografia[modificar | modificar la font]

  • D. Fabre e Ch. Camberoque, La Fête en Languedoc.
  • G. Chaluleau e J. Luc Eluard Le carnaval de Limoux, edicion atelier du gué
  • G. Chaluleau Carnaval de Limoux au cœur, edicions Loubatières

Ligams intèrnes[modificar | modificar la font]

Ligams extèrnes[modificar | modificar la font]