Carlos Gardel

Un article de Wikipèdia, l'enciclopèdia liura.
Anar a : navigacion, Recercar
Carlos Gardel
Por una cabeza
.

Carlos Gardel, famós cantaire e autor argentin de tango. Nascut a Tolosa en Occitània, l'11 de decembre de 1890 dab lo nom de Charles Romuald Gardès ( a maugrat d'ua controvèrsia suu lòc e la data de la soa neishença, devuda, mei que mei, a la necessitat entad eth, de viatjar dab documents faus per'mor de n'aver pas arrecotit en Euròpa entà har la Guèrra de 14), e que's morí en un accident d'avion a l'aeropòrt de Medellín en Colómbia lo 24 de junh de 1935.

La soa mair qu'emigrè en Argentina e Gardel que creishó a Buenos Aires en un quartièr nomentat pr'amor deu son mercat "El Abasto" (en vertat El Abasto que demora dens lo quartièr oficiau de Balvanera). Per aquesta rason (e tanben per'mor qu'era moret) qu'arrecebó lo chafre "el morocho del Abasto" (qu'ei tanben coneishut com "el zorzal criollo", la trida argentina). La soa carrièra que comencè en duo dab lo cantaire "el oriental" José Razzano. Puish que hasó l'actor en Euròpa e en America e que tribalhè per la companhia americana Paramount ("El dia que me quieras", "Tango Bar", "Melodia de arrabal", "Cuesta abajo"). Aquestes filmes que's filmèn aus Estats Units e en Euròpa, quitament quan l'accion e s'escad a Buenos Aires. Aquò que balhè lo parat a un mainatge nomat Ástor Piazzolla (lo famós compositor qui, alavetz, e s'estava aus Estats Units) de debutar au cinèma en El dia que me quieras. Mantuns deus tangos que cantè Gardel en los sons filmes qu'èran òbras d'Alfredo Le Pera. Qu'ei sepelit au cemitèri de la Chacarita on los visitaires alucan ua cigarreta que hican enter los dits de la soa estatua. Que's morí joen e au som de la soa carrièra artistica.

El Abasto dab lo monument a Gardel

Enter las soas cançons mei famosas que podem mentàver:

  • "Mi Buenos Aires querido".
  • "Cancion de Buenos Aires".
  • "Viva la patria".
  • "Argentina tierra amada".
  • "Lejana tierra mia".
  • "El dia que me quieras"
  • "Pobre mi madre querida"
  • "Silencio" (un tango sus la guerra de 14 en França).
  • "Yira Yira"
  • "Viejo Smoking"
  • "Canchero"
  • "Rubias de New York" (fòx tròt)
  • "Tomo y obligo"
  • "Cuesta abajo",
  • "Volver"
Lengadòc Armas de Lengadòc