Candidatura d'Unitat Populara

Un article de Wikipèdia, l'enciclopèdia liura.
Anar a : navigacion, Recercar

La Candidatura d'Unitat Populara (en catalan Candidatura d'Unitat Popular), mai coneguda per sas siglas CUP, es una entitat que se definís coma una organizacion politica assembleària que son territòri d'accion es los Païses Catalans. Proclama que, a partir de l'encastre municipal, trabalha per de Païses Catalans independents, socialistas, ecologicament durables, territorialament equilibrats e pas patriarcals.

La CUP se diferéncia dels partits polítics tradicionals dins lo fach que totas las decisions del partit son presas pels militants e pas pels elegits de cada partit, en aplicar doncas la democracia dirècta. A travèrs de sos regidors, la CUP aplica dins lo Plen Municipal de las Comunas las decisions definidas per sos militants a l'Assemblada Municipala. A l'encòp, promòu lo teissut associatiu e los movements socials de la vila e denóncia los salaris elevats alts sous dels politicians professionals en cedir una part de çò que lor es pagat a l'Assemblada Municipala. Actualament es presenta dins una ochantena de municipis del Principat de Catalonha e del País Valencian, e a l'intencion de s'implantar dins l'ensems dels Païses Catalans pro rapidament.

La CUP obtenguèt de resultats fòrça bons durant las Eleccions al Parlament de Catalonha de 2012 qu'i foguèron elegits tres representants. Son representant mai vesedor es actualament David Fernàndez.