Campylognathoides

Un article de Wikipèdia, l'enciclopèdia liura.

Campylognathoides siguec eth prumèr fossil deth Lias de Württemberg qu'ère un pterosaure deth genre Campylognathoides (maissa corvada).

Es dus espècies trapades enquia aué de Campylognathoides sigueren trapades en Holzmaden.

Totun, es despulhes dera esqueleta èren uns paucs uassi deth det de vol e pro. Non es poguèc pas auer mès trobalhes completes coma es que s'artenhien normauments de Holzmmaden enquia eth paleontològ de Stuttgart Felix Plieninger arreconeguèc qu'aguest auia d'auer un genre per se madeish.

Aguest genre a un cran relatiuaments cuert, dominat per un horat circular der uelh gran. Era fin deth bec qu'ei ponchuda, shens dents, damb ua barra ampla, rectangular de uas e a tamben ua cresta cuerta (cristopina) que's projecta entà deuant. Era diferència damb Dorygnathus ei qu'eth cinquau det ei plan cuert.

I auia dus espècies trapades en Holzmaden de Campylognathoides, Campylognathoides liasicus e Campylognathoides zitteli. Aguest darrèr auia ues ales d'1,75 m e eth prumèr d'1 m.

En 1974 eth paleontològ indian S.L. Jain descriguèc un troç de cran de petrosaure damb dents coma Campylognathoides indicus. Eth fossil siguec trapat en eth districte de Chanda, ena Índia, e ère deth Jurassic inferior.

En 1986 un colleccionaire de fossils trapèc ua pelvis de pterosaure petita qu'auia suberviscut ar aislament en ua peirièra de Braunschweig, en Alemanha, que tamben podiá éster hicat dens deth genre Campylognathoides. Qu'ère pla significatiu qu'es sòns malucs èren en plan bona condicion e en aguest individú era sua orientacion lateral e entàra naut arremercava qu'es pterosaures probaubaments podien pas caminar coma es audèths.

Damb tot, es uassi dera pata (femora) podien pas éster orientats verticauments coma s'auria de bensonh s'aguest animal volesse caminar damb es dus pates.

Hont: The Illustrated Directory od Dinosaurs and Other Prehistoric Creatures, Greenwich Editions, 2005.