Camila O'Gorman

Un article de Wikipèdia, l'enciclopèdia liura.
Camila O'Gorman

Camila O'Gorman (Buenos Aires, 1828San Andrés, Partit deu General San Martín, Província de Buenos Aires, lo 18 d'agost de 1848) que ho ua gojata qui ho fesilhada a ueit mes de prenhatge per'mor d'aver viscuda ua passion amorosa dab un prèste, Ladislao Gutiérrez, lo pair deu son nenet.

Qu'èra hilha d'un oligarque d'origina irlandesa e d'un famosa francesa coneguda en Buenos Aires com Madame Perichon o la Perichona.

Après aver começada la soa relacion dab Gutiérrez los dus aimadors que huegèn de cap a la Província de Corrientes. Argentina que vivèva alavetz dens un estat de guèrra civila enter los Federeaus gavidats peu cap d'estat Juan Manuel de Rosas e lo Unitaris. Quan l'ahar de Camila O'Gorman petè, los Unitaris, enter eths Domingo Faustino Sarmiento que'n proheitèn entà díser qu'èra la pròva de la perversion de la joentut peu regim federau.

Quan los aimadors e hon près, la comunautat irlandèsa qu'avó paur a l'escàdal e la justícia que'us condemnè a maugrat de l'amistat de Camila O'Gorman dab Manuelita Rosas, la hilha de Juan Manuel de Rosas.

Après aver fesilhat Gutiérrez, lo peloton de sordats que refusè de fesilhar camila e lo son nenet, e que'u he fin finala devath la miaça de las armas deu lor oficièr. Que hon fesilhat per desaubediència après.

L'ahar de Camila O'Gorman que ho près com subjècte d'un famós filme argentin : Camila nominat entà l'Oscar deu miélher filme estrangèr en 1984. Ua auta adaptacion qu'èra jà estada virada en 1910.