Bisbat d'Urgèl

Un article de Wikipèdia, l'enciclopèdia liura.
Anar a : navigacion, Recercar

Er Bisbat d'Urgèl (Evescat) ei ua demarcacion eclesiastica de Catalonha e Andòrra sufragània dera glèisa Metropolitana de Tarragona. Era sua origina ei, aumens, deth sègle V damb caplòc en la Seu d'Urgèl e eth nòm der Avescat ei restacat damb eth territòri istoric der Urgellet a on se tròbe eth caplòc. Ath madeish temps eth caplòc deu eth sòn nòm ar Avescat d'Urgèl donques qu'eth latin vicus Sedes Urgelli signifique quartièr de la Seu d'Urgèl o caplòc der Bisbat d'Urgèl.

Tanben es important lo pariatge que portèt Andòrra a èsser un coprincipat e poder se manténer aital coma dins unic estat catalan independent, en essent los evesques d'Urgèl Coprince d'Andòrra, amassa, a l'ora d'ara, amb lo president de la Republica Francesa coma successor dels dreches de l'ostal comtal de Fois.

Lo temple principal de la diocèsi es la Catedrala de Santa Maria d'Urgèl de la Seu d'Urgèl. Los santuaris de mai renom a l'avescat son çò del Sant Crist de Balaguer, lo de la Maire de Dieu de Núria e, dins lo Principat d'Andòrra, lo de Nòstra Madama de Meritxell. An recebut la coronacion canonica las Marededéus de Meritxell, a Andòrra (1921), Valldeflors de Tremp (1922), Miracle de Balaguer (1955), Núria (1967) e Canòlich de Sant Julià de Lòria (1999). La Maire de Dieu de Núria, amassa amb Sant Ermengol, es patrona principala de l'avescat (1956), del temps que Sant Ot d'Urgell o es de la ciutat d'Urgèl (1133).