Bertrand de Lassús

Estatua per Montorgue, a Montrejau

Bertrand de Lassús acompanhat per Henry Russell a Luishon, en 1895, fotografia d'Eugèni Trutat

Bertrand, baron de Lassús (Montrejau, 20 d'abril de 1868- París, França, 13 de genièr de 1909) foguèt un dels pireneistas mai importants de la fin del sègle XX. Proveniá d'una de las familhas de la noblesa locala de Montrejau.

Biografia

Bertrand de Lassús nasquèt dins una familha amonedada, sa maire Caroline èra una eiretièra Pillet-Will e son paire Marc de Lassús èra un nòble erudit del país. Foguèt atirat lèu pels Pirenèus, ont nasquèt e que daissaràs pas gaire de de tota sa vida : defuntèt a 41 ans, en 1909, lo meteis an que son amic, que ne somniá de seguir las traças, lo comte Henry Russell. La sia primièra ascension foguèt la del mont Sacon, puèg modèst que domina Montrejau. Puèi, va percórrer los Pirenèus de tot costats, sovent en companhiá de Henri Passet que ne presa las qualitats.

Gràcias a la fortuna de sa maire, a partir de 1892, Bertrand de Lassús se faguèt bastir per l'arquitècte bordalés Loís Miquèu Garròs a dos quilomètres de Montrejau lo castèl de Valmiranda per poder viure amb cèrta independéncia de sa familha. una extravaganta ea somptuosa bastissa neorenaissença, amb sa capèla, de grands parterres, un parc d'una quarantena d'ectaras, adobat par los fraires Bülher (autors del Parc de la Tête d'Or e Lion e del parc Borély a Marselha), amb un rèc engambat per dos ponts, un lac que domina una bauma bèlvéser... Palais quasi-royal, dit Russell. Lo castèl foguèt dessenhat per l'arquitècte bordalés Loís Miquèu Garròs. Foguèt solemnialament inaugurat après lo camp des Gentianes, e benesit per l'arquevèsque de Tolosa, lo 3 de novembre de 1899. Aperten sempre a la familha de Lassús.

Omenatge a Lassús

En 1935, la vila de Montrejau li consagrèt una estatua de bronze, creada per l'escultor Montorgue. Una fola immensa assistís a l'inauguracion, lo 24 de novembre d'aquel meteis an.

Bibliografia

• Jacques Labarère, Bertrand de Lassus y el Pirineo Aragonès. Diputación Provincial de Huesca. Área de Cultura, 2009.