Bernard Werber

Un article de Wikipèdia, l'enciclopèdia liura.

Bernard Werber (Tolosa, 18 de setembre de 1961) es un escrivan de sciéncia ficcion en francés, qu'es conegut subretot per sa trilogia de las Formigas. Son òbra fa s'encontrar la sciéncia-ficcion, mitologia, esperitualitat, filosofia, biologia e futurologia.

Biografia[modificar | Modificar lo còdi]

Nasquèt a Tolosa lo 18 de setembre de 1961. Dempuèi l’edat de 13 ans, a escrich d'istòrias per un fanzine; l'experiéncia de sa vida li serviguèt per sos romans, coma dins L'Empèri dels àngels. Aprèp d'estudis en criminologia a l'Institut de Criminologia de Tolosa e de jornalisme a l'Escòla Superiora de Jornalisme de París, venguèt jornalista scientific pendent una desena d'annadas, subretot per Eurêka, lo magazina de la Ciutat de las Sciéncias e de l'Industria de París. Escriguèt regularament per lo jornal Nouvel Observateur. D'aquelas annadas li ven son gost per la sciéncia, que mescla amb sos tèmas favorits, de las Formigas a la mòrt fins a las originas de l’umanitat.

Las òbras de Bernard Werber foguèron tradusidas en trenta cinc lengas. Amb 15 milions d’exemplars venduts dins lo monde, Bernard Werber es, amb Marc Lévy, un dels autors franceses contemporanèus mai legits al monde[1].

Aprèp son libre eponim, creèt l’Arbre dels possibles, site Web e « projècte per cercar o imaginar los futurs possibles de l’umanitat[2] ». Lo primièr filme de cinèma realizat per Bernard Werber, Nòstres amics los Terrians, sortiguèt en abril de 2007.

Escritura[modificar | Modificar lo còdi]

Bernard Werber, a « La Comèdia del livre » de Montpelhièr, lo 23 de mai de 2009

Son estil d’escritura mescla diferents genres literaris, coma la saga d’aventura, la sciéncia-ficcion e lo conte filosofic.

Dins gaireben totes sos romans, Bernard Werber utiliza la meteissa forma de construccion, alternant articles informatius d’enciclopèdia e dos o tres fils narratius. Los articles precisan o alargan las intrigas, se jonhent de temps en temps.

E mai, sos romans e sas novèlas se crosan. Se tròba de personatges recurrents coma Edmond Wells a l'encòp dins la trilogia de las Formigas e dins L'Empèri dels àngels, mas tanben de tèmas totjorn presents, coma « l’Arbre dels possibles » d’Isidore Katzenberg, o encara lo roman Nosautres los dieus, tornant prendre elements de la novèla L’Escòla dels joves dieus.

Bernard Werber demòra un escrivan de sciéncia-ficcion e de vulgarizacion scientifica, sas òbras pretendon pas de provar o negar de teorias scientificas, mas expausar dedins una òbra de ficcion çò que presenta coma de descobèrtas encora pauc o pas conegudas del grand public. L'Ultim Secret illustra plan aquela tendéncia, se pòt legir sus la quatrena de cobèrta la frasa seguenta: «van anar de surpresa en surpresa fins a l’extraordinari desnosament basat sus una descobèrta scientifica pauc coneguda mas reala.»

Bernard Werber es membre d’onor de l’INREES. L'Institut de Recèrca sus las Experiéncias Extraordinàrias es es una associacion qu'a per vocacion la sensibilizacion dels professionals en santat mentala, dels mètges e dels sonhants en general, a las experiéncias extraordinàrias, o inabitualas.

Aquela apròcha se rebateja alara dins lo contengut de sos romans, coma per exemple Los Tanatonautas, que prepausa una version esperitualista de las experiéncias de mòrt imminenta o encara Nòstres amics los umans (una pèça de teatre) que conta un recit d’enlevaments pels extraterrèstres. La sciéncia, lo paranormal e l'esperitualitat influéncian atal fòrça de sos romans.

Simbolica[modificar | Modificar lo còdi]

Bernard Werber utiliza divèrsas simbolicas dins sos libres. Los animals coma lo daufin, lo rat o las formigas son representats coma d'animals intelligents. La simbolica de las chifras a tanben un grand ròtle e, segon lo biais que son explicats, rebatejan « l'estadi de l’evolucion de l’arma ».

Òbras[modificar | Modificar lo còdi]

La trilogia de las Formigas[modificar | Modificar lo còdi]

Pentalogia del cèl[modificar | Modificar lo còdi]

Cicle dels àngels[modificar | Modificar lo còdi]

Cicle dels dieus[modificar | Modificar lo còdi]

Aquela trilogia seguís lo Cicle dels angels.

Cicle Aventurièrs de la Sciéncia[modificar | Modificar lo còdi]

Autres libres[modificar | Modificar lo còdi]

Libres experimentals[modificar | Modificar lo còdi]

Novèlas[modificar | Modificar lo còdi]

  • Lo Conte al revèrs, 1998
  • Lo Tresaur de l’illa dels visionaris 2004
  • Meurtre dins la nèbla 2006
  • La Mòstra carmica 2011
  • L'Arbra dels possibles, 2002
  • Paradís a faiçon, 2008

Bendas dessenhadas[modificar | Modificar lo còdi]

CD[modificar | Modificar lo còdi]

  • Bernard Werber, lo contaire del futur (2 CD audiò), 2010
  • L'espertaire (2 CD audiò), 2010

Filmes[modificar | Modificar lo còdi]

Pèça de teatre[modificar | Modificar lo còdi]

Nòtas e referéncias[modificar | Modificar lo còdi]

  1. Vidèo Ombre et Lumière 2006 - littérature, livres, SF, Bernard, Werber, Dailymotion Share Your Videos
  2. (fr) arbredespossibles.com, site de futurologia venent d’una idèa de Bernard Werber: traçar un arbre dels futurs possibles de l’umanitat.

Vejatz tanben[modificar | Modificar lo còdi]

Biografia[modificar | Modificar lo còdi]

(fr)Anne Martinetti, Bernard Werber, le roi des fourmis, éd. Gutenberg, 2009 (ISBN 2-35236-047-1)


Ligams extèrnes[modificar | Modificar lo còdi]

Wikimedia Commons prepausa de documents multimèdia liures sus Bernard Werber.