Belsunce

Un article de Wikipèdia, l'enciclopèdia liura.
Anar a : navigacion, Recercar
L'intrada dau Cors

Belsunce es un quartier de Marselha, que s'atròva dins lo premier arrondiment, dins l'ipercentre de la ciutat, entre la Canabiera, la Pòrta d'a-z'Ais, lo Pòrt Vièlh e lo Baloard d'Atenas.

Es un quartier popular, que son nogau centrau es lo Cors Belsunce, ancian Grand Cors bastit sota Loís lo Quatòrze que deviá permetre a Marselha de posquer prepausar una passejada au nivèu dei grandeis avengudas que s'atròvan dins leis autrei ciutats d'importància.

Belsunce es conoissut per lo nombre de sei boticas de vestits, mai tanben per la preséncia de la Bibliotèca Municipala a Vocacion Regionala de Marselha, installada dins leis ancians locaus dau Teatre de l'Alcazar.

Prenguèt puei lo nom de Belsunce, en omenatge a l'Avesque de Belsunce e dau ròtle positiu que juguèt dins l'episòdi da la Granda Pèsta de 1720.

Lo cors es cantat per Victor Gelu, dins sa cançon Leis Omes dau Cors e, mai recentament, per Bouga, dins la cançon Belsunce Breakdown.

Lo canton de Marselha Belsunce es un dei cantons administratius dau Conseu Generau dei Bocas de Ròse.