Bazacle
Lo Bazacle es un sit toristic e istoric de Nauta Garona situat a Tolosa sus Garona (calçada del Bazacle).
Somari |
[modificar] Istòria
De tot temps, los òmes an traversat Garona pel bazacle, mena de ga accessible a pè. Lo tèrme ven del latin vadaculum que vòl dire « pichon ga ». Se tròba al punt d'alentiment del corrent, aprèp lo cambiament de direccion del flume. La nautor febla de las aigas permetèt la construccion del primièr pont sus Garona a Tolosa.
En 1190, amb l'autorizacion del comte Raimon V de Tolosa, un barratge apelat tanben calçada del Bazacle foguèt construch amb de molins novèls; lo finançament d'aqueste complèxe e mai los fraisses d'entreten e de foncionament foguèron assegurats per una associacion de senhors.
Los beneficis èran repartits entre accionaris segon lo nombre de parts en lor possession; pauc a pauc aquelas parts s’escambiavan entre senhors sul mercat de Tolosa, lors corses variavan en foncion del rendement dels molins.
Lo Bazacle venguèt atal la primièra societat per accions dins l'istòria del mond.
Es dempuèi 1888 que los molins del Bazacle venguèron progressivament productors d’electricitat e en 1946 proprietat d'EDF.
[modificar] Actual
Lo Bazacle abrita totjorn una centrala idroelectrica en activitat dins una partida dels bastiments.
L'autra partida es doberta al public e se visita, dins la visita se veu tanben la passa de peisses
Lo Bazacle aculhís tanben de mòstras temporàrias tot lo long de l'an segon los programas.
[modificar] Galariá
-
La calçada
-
La Calçada vista del Pont dels Catalans
