Bauma de Rofinhac

Un article de Wikipèdia, l'enciclopèdia liura.
Anar a : navigacion, Recercar
Patrimòni Mondial de l'UNESCO
L'entrada de la bauma

La Bauma de Rofinhac o Bauma dau Cròs de Granville o Bauma de Miramont embarra mai de 250 gravaduras e trachs dau Paleolitic Superior (Magdalenian, fai mai de 13 000 ans). Se dubrís au còr de Perigòrd, entre Brageirac e Sarlat, dins lo departament de Dordonha.

Istoric[modificar | modificar la font]

Coneguda dempuei mantun segle, l'escrivan comengés Francés de Belleforest ne faguet 'na descripcion en 1575.

En 1956, l'òm admetet definitivament la preséncia de pinturas e de gravaduras paleoliticas.

Dempuei 1979, fai partida dau Patrimòni Mondiau de l'Umanitat de l'UNESCO, en associacion emb d'autres sites e baumas ornadas de Perigòrd sos lo nom de « Sites preïstorics e baumas ornadas de la vau de Vesera ». Es tanben « monument istoric ».

Descripcion[modificar | modificar la font]

Dempuei 1959 es duberta au torisme. Emb mai de 8 km, es una de las baumas ornadas mai grandas d'Euròpa. La visita, en chamin de fèrre electric, percorrís 4 km au totau dins las galariás principalas.

Las recerchas permeteren d'identificar de las arpas e de las zonas de voludament daus ors de las cavernas[1] avans l'intervencion umana.

Fai aperaquí 13 000 ans, l'òme dessenhet 158 mamots associats a daus rinoceros lanós, daus bisonts, daus chavaus e daus boquetins dins 'quilhas galariás. Las figuras son prigondament gravadas o pintadas en negre. Presenta tanben 4 figuracions umanas e daus signes tectifòrmes.

Nòtas[modificar | modificar la font]

  1. Zona arredondida chava dins lo sòu argilós de las baumas que permet aus ors de s'i arrucar dins l'ivern amor de manténer una temperatura equilibrada.

Liams externes[modificar | modificar la font]