Bauma de Rochelot

Un article de Wikipèdia, l'enciclopèdia liura.
Anar a : navigacion, Recercar

La bauma preïstorica de Rochelot se tròba dins la Charanta Occitana, au nòrd dau Bacin Aquitan, a 'na vintena de quilomètres au nòrd-est d'Engoleime.

Localizacion[modificar | modificar la font]

Se situa dins la comuna de Sent Amanç, dins la vau de Bonnieure[en occitan?], un afluent de Tardoira donc prep de las baumas de Font Chavada, de Mont Gaudier, dau Placard e de la Chadiera que son los sites paleolitics preps mai coneguts.

Se dubrís dins la vau de Bonnieure[id.] dins lo bauç, prep de las baumas dau Cròs de la Vielha e dau Molin de Rochelot, qu'an servat solament de la fauna.

Istoric[modificar | modificar la font]

Fuguet cerchada per Jòrgi Chauvet a partir de 1897. Las cerchas fugueren represas per Joan Francés Tornapicha a partir de 1980.

Topografia[modificar | modificar la font]

Fuguet voidada per los prumiers cerchaires, mas Joan Francés Tornapicha trobet un corredor de 1 m de larjor, 0,85 m de nautor e d'aperaquí 15 m de longor emplenat d'òs animaus.

Restas umanas[modificar | modificar la font]

Se trobet 6 dents abenadas d'un neandertalian vielh e un fragment de diafisi de l'umerus rausat per de iènas.

Fauna anciana[modificar | modificar la font]

Dins lo corredor, Joan Francés Tornapicha trobet daus òs de 'na vintena de grands mamifèrs, chavaus, bovids, cervis, dams, chabròus, urs, singlars, megalocèros, rinocèros de las estèpas, elefants, vibres e iènas de las cavernas (Crocuta crocuta spelaea). D'autres carnivòrs son presents: ors brun, lop, chen de las cavèrnas,[1] leon e pantera.[2]

Aplechs e objectes[modificar | modificar la font]

L'industria litica es liada au Magdalenian.

Referéncias[modificar | modificar la font]

  1. ECOBIO / cartes : mieg, biodiversitat e paleontologia
  2. Tornapicha, "Un neandertalian devorat per de iènas?" Paléo, n°6, 1994 sus Persée