Batalha de Wake
La batalha de Wake se debanèt dins lo corrent de la Segonda Guèrra Mondiala dau 8 au 23 de decembre de 1941. Foguèt la consequéncia d'una ataca japonesa còntra l'atòl qu'èra defendut per una garnison estatsunidenca de 450 militars. En causa de sa posicion estrategica que representava una menaça per lei projèctes d'expansion de Japon en Asia dau Sud-Èst, una fòrça d'ataca importanta (2 pòrta-avions, 3 crosaires, 10 naviris mens importants e 2 500 soudats) foguèt reünida. Se turtèt a una resisténcia acarnada dei defensors que foguèron pasmens obligats de capitular en causa de son inferiotat numerica. 900 Japonés foguèron tuats durant la batalha còntra 119 Estatsunidencs. Lo rèsta de la garnison foguèt capturat e l'illa demorèt ocupada per l'armada imperiala fins a la fin de la guèrra.