Batalha d'Stalingrad

Batalha d'Stalingrad Segonda Guèrra Mondiala
Informacions
Informacions generalas
Data	21 d'agost de 1942-2 de febrièr de 1943
Luòc	Stalingrad, URSS
Eissida	Victòria decisiva sovietica
Belligerants
Axe	Union Sovietica|-
Comandants
Friedrich Paulus Erich von Manstein Hermann Hoth	Georgii Zhukov Vasilii Chuikov Aleksandr Vasilevskii|-
Fòrças en preséncia
VIena Armada alemanda IVena Armada de Panzer Alemanda IIIena Armada Romana IVena Armada Romana IIda Armada Ongresa VIIIena Armada Italiana	Front d'Stalingrad Front del sud-oèst Front de Don|-
Pèrdas
740 000 mòrts o nafrats 110 000 presonièrs	750 000 mòrts, nafrats o presonièrs 40 000 o mai de civils tuats
Identificacions d'autoritats
BNFC	29780
GND	[1]
ISNI	[2]
LCCN	[3]
ULAN
BNF	[4]
SUDOC	[5]
CALIS
CiNii
NDL
ISO standard
	Wikimedia Commons prepausa de documents multimèdia liures sus Batalha d'Stalingrad.

La Batalha d'Stalingrad es considerada coma lo punt d'inflexion de la Segonda Guèrra Mondiala e la mai sagnosa de l'istòria de l'umanitat. S'i afrontèron los alemands e lors aligats (Italians, Romaneses) e los sovietics entre lo 21 d'agost de 1942 (començament del sèti de Stalingrad per las fòrças de l'Axe) e lo 2 de febrièr de 1943 (reddicion de la 6ena Armada alemanda). Inclutz lo sèti de la vila pels alemands, los combats al dintre de la ciutat e la contraofensiva sovietica. Es una victòria decisiva dels sovietics. Las fòrças de l'Axe perdèron 850 000 òmes, siá un quart de las loras fòrças sul Front de l'Èst, e un molon de material. L'Axe se poguèt pas jamai remetre d'aquelas pèrdas e comencèt una longa retirada fins a Berlin e la desfacha de l'Alemanha Nazi.

Situacion iniciala

Lo 22 de junh de 1941, Alemanha e sos aligats de l'Axe invasisson l'Union Sovietica, en avançar lèu en pregondor en territòri sovietic. L'avança alemanda s'arrestarà davant Moscòu amb la contraataca sovietica.

A la prima de 1942 los Alemands estabilizèron las loras linhas de front mas las pèrdas de l'ivèrn rendián malaisida una ofensiva del Grop d'Armada Centre sus la capitala de l'Union Sovietica.

Lo comandament alemand estudièt alara las possibilitats d'ofensiva endacòm mai. Un dels objectius màgers podiá èsser Caucàs e sas riquessas en idrocarburs tan coma lo flume de Vòlga, via màger de comunicacion del « rèirefront » sovietic. Una mestresa d'aquelas doas regions poiriá portar un còp definitiu a la maquina de guèrra sovietica segon los plans alemands.