Barra d'armonia

Un article de Wikipèdia, l'enciclopèdia liura.
Anar a : navigacion, Recercar
Vriulon destaulat on e's pòt véder la barra d'armonia devath la taula d'armonia

La barra d'armonia qu'ei una partida deus instruments de còrdas hregadas (com, per exemple, lo vriulon) mes egaument de quauques guitarras e mandolina ; qu'ei pegada au dehens de la caisha d' armonia devath la taula d'armonia dens la longor de l'instrument suu costat on ei tienuda la còrda mei grava.

Qu'a dus pretzhèits:

  • En purmèr que renforça la taula d'armonia au lòc on repausa un deus dus pès deu pontet e on aqueth darrèr b' exerçeish la grana pression transmesa per las còrdas tienudas.
  • En dusau que transmet la vibracion viste e au long de la taula.


De l'aute costat deu pontet, qu'ei l'amna qui assegura la purmèra foncion, mes, aquesta que transmet lo son au hons de l'instrument.

Barra d'armonia e amna ambs que renforçan la taula d'armonia sosmesa a la grana pression deu pontet e que permeten de har vibrar d'un còp l'instrument sancèr.

Que cau soslinhar que las mandolinas bluegrass e las guitarras inventadas peu laütièr Orville Gibson en bèth inspirà' s de la laüteria deu vriulon, que pòden aver una barra d'armonia per la medisha rason.