Bòxa tailandesa
Un article de Wikipèdia, l'enciclopèdia liura.
La bòxa tailandesa (o Muay Thai) es un espòrt de combat (art marcial) que se desvolopèt en Tailàndia ont es considerat coma l'espòrt nacional. Es conegut tanben coma "l'art de totas las partidas", perque las mans, los pès, los coids e los genolhs s'utilizan fórça.
Emai que los còps al cap pòscan pareisser mai impressionants dins la competicion, los experts d'aqueste espòrt afirman, que los cóps basses (low kicks), los coids e los genolhs son mai destructors pels competitors.
Pendent la competicion, los participants fan una dança rituala abans lo combat sonada lo Ram Muay. Aquela ceremonia ten una origina religiosa, mas servís tanben per estirar los muscles e coma escalfament.
L'entraïnament per la bòxa tailandesa es conegut per son intensitat e sa fermetat. Es fach per endurcir las uèch partidas del còs, e èsser tustat per la tíbia d'un boxaire tailandés es sovent comparat al còp d'una bata de base ball. Los boxaires tailandés tustan amb la tíbia e de vegadas amb lo pè.
La bòxa tailandesa influencièt fòrça lo desvolopament del kick-boxing que se creèt dempuèi en Japon, en Euròpa e als Estats Units.
Gaireben cada movement de bòxa tailandesa utiliza lo còs entièr, mentre que i a rotacion de las ancas a cada còp de pè o de punh. Aquò fa que las atacas e las defensa dins lo bòxa tailandesa son mai lentas mas mai fòrtas per exemple que las de la bòxa o del karate.
[modificar] Ligams extèrnes
- (en) Bòxa tailandesa
- (en) FeelThailand Muay Thai Muay Boran
