Arties e Garòs (Municipi)
Arties e Garòs o Arties ei un ancian municipi aranés, e adara ua entitat municipau descentralizada depenenta der ajuntament de Naut Aran, ara part sud-occidentau deth tèrme. Es dus pòbles que la formen, Arties (era tèsta dera entitat, damb 445 abitants eth 2003) e Garòs (142 abitants), estan plaçadi ath long dera Garona e dera carretèra nacionau C-28 qu'unís Vielha damb Esterri d'Àneu peth pòrt dera Bonaigua, enter Casarilh ar oèst e Gessa ar èst.
Arties e Garòs, amassa damb auti pòbles deth municipi actuau de Naut Aran, ja auien format part deth terçon de Garòs, antica mairia dera Val d'Aran. Auec ajuntament pròpri enquiath 21 de deseme deth 1967, en qué se va unir damb Salardú, Gessa, Tredòs e Bagergue entà constituir eth municipi de Naut Aran.
Eth sòn tèrme coïncidís en bona part damb era conca der arriu de Valarties e se correspon damb eth der antic municipi d'Arties, d'uns 78,58 km². Era entitat municipau descentralizada se creèc eth 9 de junhsèga deth 1970.
.svg){kind=small}