Art mobiliari

Un article de Wikipèdia, l'enciclopèdia liura.
Anar a : navigacion, Recercar


La locucion d'art mobiliari [var. art mòble?] s'emplega per designar una òbra artistica (en sens larg) realizada subre un objècte de dimensions limitadas, doncas que pòsca èsser transportat per una persona. Atal, lo concèpte d'art mobiliari se complèta amb lo d'art parietal que se pòt pas desplaçar, pr'amor qu'es realizat subre los murs o subre los ròcs (art rupèstre). Tanpauc s'es de considerar d'art mobiliari las pèças de proporcions grandas coma los regatges o las estatuas.

Per consequent, l'art mobiliari es fòrça divèrs pr'amor que compren non solament de creacions exclusivament artisticas (coma estatuas pichonas o ornaments), senon tanben d'objèctes foncionals, d'aisinas decoradas. Podem trapar l'art mobiliari paleolitic qu'inclutz de plaquetas gravadas, de vènus paleoliticas, d'adorns, d'arpons, de sagaias o de propulsors amb decoracion, per exemple. Dins l'Epipaleolitic europèu son tanben fòrça caracteristics los cants pintats asilhans. Al Neolitic apareisson, al delà, d'objèctes de tèrra cuècha (vases decorats, figuras pichonas de ceramica...), d'idòlas, de teissuts, d'estòris amb motius geometrics o figuratius... A l'Edat dels Metals, a totes aquestes elements se suman objèctes metallics, pèças ritualas, fermalhs e armas; tot elaborat amb de tecnicas decorativas enòrmament complèxas coma lo nielatge en argent, las filigranas, lo repussatge, lo damasquinatge, lo motlatge a la cera perduda e, atal, fins a pas jamai acabar.