Arròs (arriu)
| Arròs | |
|---|---|
 | |
| Caracteristicas | |
| Longor | 131 km |
| Bacin | ? |
| Bacin collector | Ador |
| Debit mejan | 9 m3⋅s-1 |
| Regim | pluvionivau |
| Riu | |
| S'escampa dins | Ador |
| Geografia | |
| Païses traversats | Occitània |
Arròs qu'ei un arriu occitan afluent d'Ador.
Que neish ath nòrd deth Còth d'Aspin enas Baronias Gasconas près d'Esparròs. Que trauca eth departament deths Hauts Pirenèus capvath, passant per Borg de Bigòrra, Tornai e Shèla Devath, puish qu'entra en departament de Gers per Montagut d'Arròs e Vilacomdau d'Arròs, abans de vueità's en Ador sus era sua arriba dreta pòc arron de Plasença. Qu'a ua longor de 131 km.
Era vath hauta d'Arròs qu'ei un endret remarcable: sus 3 km haut o baish, desempuish era resurgéncia aperada eth Uelh[1] d'Arròs, er arriu que s'escorreish ena Gòrja d'Asca. Er'umiditat qu'a permetut eth desvolopament d'un bòsc gran, dab eths sons arbes e eth sons arròcs arrecobèrts de mossas gigantas, de liquèns e de heuguèras, qui'u dan un aspècte tropicau qui'u való eth chafre d'Amazonia deths Pirenèus.
Nòtas[modificar | Modificar lo còdi]
- ↑ Sinonims de "uelh": hont, sorsa (Cf. Diccionari d'aranés).