Arròc de Gibartar
L'Arròc de Gibartar qu'ei un monolit calcari situat a Gibartar, sus la còsta meridionau de la Peninsula Iberica. Qu'atenh ua nautor de 426 m suu nivèu de la mar. Dens l'Antiquitat, qu'èra considerat com ua de las Colomnas d'Ercules, dab Jbel Musa sus la còsta africana. L'arròc qu'ei ua possession de la Corona britanica. Qu'estó cedit per Espanha a la Gran Bretanha peus tractats d'Utrecht, a la fin de la Guèrra de Succession d'Espanha.
[modificar] Geologia
Aquera formacion geologica qu'estó creada durant lo Jurassic, dus cents milions d'ans a, quan la placa africana e tumè la placa euroasiatica. L'Ocean Atlantic que trauquè l'Estreit de Gibartar e l'aigat seguent que creè la Mar Mediterranèa. L'Arròc que hè part de las Cordilhèras beticas, ua cadea de montanhas qui dominan lo sud-èst de la Peninsula Iberica.
