Arnaud Vidal de Castèlnòu d'Arri

Un article de Wikipèdia, l'enciclopèdia liura.
Anar a : navigacion, Recercar

Arnaud Vidal de Castèlnòu d'Arri es un escrivan occitan que visquèt al sègle XIV.

Vida[modificar | modificar la font]

E mai foguèsse probablament diplomat en drech, se consacrèt mai que mai a la literatura e a la religion. Es un dels membres fondadors del Consistòri del Gai Saber en 1323. Foguèt tanben lo primièr laureat amb un poèma a la Verge.

Un escrivan de roman de cavalariá[modificar | modificar la font]

Levat sa participacion al Consistòri, es conegut per un roman en vèrses (5344 octosillabs), Guilhèm de la Barra. Se tracha d'un roman de cavalariá exotic dins un país imaginari. Victima d'acusacion de la part de la reina, encanhada qu'el aguèsse refusat sas avanças (istòria similara a la de la femna de Potifar e Josèp), l'eròi deu fugir e coneis d'aventuras pendent un vintenat d'annadas. Per çò qu'es de l'istòria literària, lo roman marca los limits del genre del roman de cavalariá que comença de s'aflaquir.

Lo roman es disponible sus archive.org en lectura en linha o telecargament: Guilhèm de la Barra

Nòtas e referéncias[modificar | modificar la font]