Armada

Un article de Wikipèdia, l'enciclopèdia liura.
Anar a : navigacion, Recercar
exemple de tèxte

Una armada es una organizacion autorizat per un estat d'utilizar la fòrça armada per defendre son territòri. Segon lei país, l'armada pòu tanben tenir d'autrei foncions coma la direccion dau govèrn (junta...), lo sostèn a l'economia nacionala (expansion imperialista, investiment dins lo capitau d'una companhiá...) o lo contraròtle de la populacion (polícia d'estatut militara...). De mai, certanei còrs de l'estat o organizacions pòdon tenir una organizacion de tipe militar sensa faire oficialament partida dei fòrças armadas.

Lei cavaments menadas per leis arqueològs an mostrat l'existéncia d'infrastucturas militaras, coma de barris, avans l'aparicion de l'escritura e es fòrça possible que leis armas de caça de la Preïstòria poguèsson tanben servir d'armas de guèrra. Per exemple, la mòmia d'Ötzi, mòrt vèrs 2500 avC, presentèt una bleçadura causada per una sagita. Ansin, la necessitat de formar d'armadas, au mens non permanentas, foguèt probablament una caracteristica precòça dei societats umanas.