Argun (Manchoria)

Un article de Wikipèdia, l'enciclopèdia liura.
Anar a : navigacion, Recercar
Localizacion d'Argun dens lo bacin d'Amur

L'arriu d'Argun (Аргунь Argun en rus, 额尔古纳河, pinyin: É'ěrgǔnà hé en chinés, Ergune bira en manchó), qui vòu díser « arriu long » en lenga boriata, qu'ei un important cors d'aiga de Manchoria. Lo son confluent dab Shilka que da neishença a Amur.

La soa longor qu'ei de 1 620 km ; lo son bacin qu'a ua superfícia de 164 000 km².

Geografia[modificar | modificar la font]

Que neish a l'oèst de la cadea montanhosa volcanica deu Gran Khingan dens la region autonòma de la Mongolia Interiora au nòrd-èst de China. Lo cors superior situat completament en China, conegut devath lo nom de Hailar (拉尔河 en chinés; pinyin Hailar He), que trauca ua region arida e de l'estèpa on adaiga las vilas de Xiguit Qi e de Hailar, arron que passa au ras deu Lac de Hulun, non luenh de la vila de Manzhouli, e torna vèrs lo nòrd-èst e lo son cors que serveish de termièra naturau enter China e Russia sus 944 km. La soa confluéncia dab l'arriu de Shilka entà dar neishença a Amur qu'a lòc a 65 km a l'oèst de Xilinji, capitau deu xian de Mohe (Heilongjiang).