Aragonita

Un article de Wikipèdia, l'enciclopèdia liura.
Fotografia de cristaus d'aragonita.

L'aragonita es un minerau de color fòrça variabla (incolòr, blanc, blau clar, jaune, ròsa, gris) qu'a una duretat de 3,5-4,0 e una densitat de 2,93. Es formada de carbonat de calci (simbòl quimic : CaCO3) cristallizat segon un sistèma ortorombic de classa bipiramidala. Lei cristaus naturaus son prismatics e lòngs mai aqueu minerau pòu tanben formar de massas fibrosas ò de concrecions pisoliticas ò estalagmititas. Son esclat es veirenc.

L'aragonita se pòu trobar dins d'endrechs variats coma de depaus sedimentaris evaporitics, de fònts idrotermalas, de ròcas volcanicas, de zònas d'alteracion dei jaciments de sulfurs ò de ròcas metamorficas de pression auta. Es sovent associada ambé lo sofre natiu, la celestina, la barita, la calcita, lei zeolitas, la dolomita, la limonita ò la malaquita. A ges d'utilizacion industriala mai es de còps utilizada en joielariá.

Liames intèrnes[modificar | Modificar lo còdi]

Bibliografia[modificar | Modificar lo còdi]

Nòtas e referéncias[modificar | Modificar lo còdi]