Aphrodite Terra
Aphrodite Terra es un dei dos continents de la planeta Vènus. Es situat au sud de l'eqüator sus quasi 15 000 quilomètres. Son altitud mejana es egala a 3000 m. Se compausa de tres regions principalas e d'una quatrena, geologicament liada :
- Ovda Regio qu'es una region de 5000 km a l'oèst. Presenta lei terrens pus auts dau continent ambé de tesserae tenent quauquei fragments de planestèus.
- Thetis Regio qu'es una region de 3000 km a l'èst dau continent. Es similara a Ovda Regio.
- Artemis Corona es una region amb un relèu fòrça complèxe organizada a l'entorn dau volcan en corona pus important de Vènus.
- Atla Regio es una region au nòrd-èst dau continent que travèrsa una region ambé de volcans en corona similars a Artemis Corona per arribar a la region volcanica comportant lo Maat Mons.
