Antonio Verrio

Un article de Wikipèdia, l'enciclopèdia liura.
Anar a : navigacion, Recercar
Autoretrach (vèrs 1700)

Antonio Verrio (Lecce, 1639 – lo 17 de junh de 1707) es un pintre italian barròc del sègle XVII que foguèt fòrça actiu en Anglatèrra, coma especialista de la pintura d'istòria.

Biografia[modificar | modificar la font]

Nascut a Lecce, dins lo reialme de Nàpols.

Vèrs 1667, Antonio Verrio part en França e s'arrèsta a Tolosa e foguèt mandat per decorar lo Castèl de Bonrepaus, la proprietat de Pèire Pau Riquet, engenhaire del Canal del Miègjorn s'intalla e pinta un retaule per las Carmelitas[1].

Vèrs 1670, Verrio foguèt a París ont se faguèt una practica aristocratica e decorèt tres ostals de familha que l'ostal Brûlart.

En març de 1672, Verrio passèt la Marga jos recomandacion de Ralph Montagu, que foguèt embaissador extraordinari d'Anglatèrra a París a partir de 1669. Gràcias a Montagu, Verrio debutèt son trabalh anglés amb d'aristocratas a Euston Hall e Arlington House ara destruits e Ham House obten rapidament la confisança de Charles II d'Anglatèrra.

En 1675, pintèt lo retrach allegoric del rei The Sea Triumph of Charles II. Foguèt mandat per decorar lo Castèl de Windsor, ont collaborèt amb l'arquitècte Hugh May e l'escultor Grinling Gibbons. Es la pus granda comanda de tota sa carrièra: vint plafons, tres escalièrs, la Capèla del rei e St George’s Hall. Venguèt en 1684, Chief and first painter (Primièr e cap dels pintres). Solament tres plafons demòran aprèp que George IV d'Anglatèrra mandèt tornar decorar lo castèl en 1820. Jos James II d'Anglatèrra, Verrio contunhèt son servici reial e decorèt Whitehall Palace (brutlat en 1698) e la Henry VIII’s Chapel a Windsor (destruida).

En març de 1685, venguèt ‘Keeper of the Great Garden in St James’s Park’ (Gardian de grand jardin al pargue de St James). William III d'Anglatèrra refusèt sa proteccion pendent la Revolucion e quitèt la cort. Passèt los dètz ans seguents a Burghley House e Chatsworth. Ambedós son de bèls exemples del Barròc anglés.

En 1699, Varrio tornèt èsser envitat a la cort. Tornèt trabalhar a Windsor, e a Hampton Court Palace per William.

En 1702, Verrio pintèt per la Reina Anna a la Queen’s Drawing Room. Abans sa mòrt, lo 15 de junh de 1707, Verrio pintèt una seria de retraches e son autoretrach, ara a la National Portrait Gallery. Verrio influencièt de joves artistas coma Louis Laguerre e James Thornhill. Louis Laguerre foguèt son disciple.

Òbras[modificar | modificar la font]

Plafon Hampton Court Palace, vèrs 1700

Quadres[modificar | modificar la font]

  • Autoretrach

Decoracion[modificar | modificar la font]

  • Castèl de Bonrepaus, region de Tolosa
  • Ostal Brûlart, París
  • Ham House, Londres
  • Hampton Court Palace

Bibliografia[modificar | modificar la font]

  • Antonio Verrio, His Career and surviving work, British Art Journal, Volume X No. 3, Winter/Spring 2009/10, Special 10th Anniversary Double Issue
  • Antonio Verrio and the Royal image at Hampton Court, British Art Journal, Volume X No. 3, Winter/Spring 2009/10, Special 10th Anniversary Double Issue
  • Antonio Verrio, Chroniques d'un peintre italien voyageur, Musèu dels Agustins e Ostal de Tolosa, 2010. Catalòg de l'exposicion, Tolosa, del 27 de març – al 27 de junh de 2010

Articles connèxes[modificar | modificar la font]

Nòtas e referéncias[modificar | modificar la font]

  1. Du Puy's - Tractat sus la Pintura