Antonietta Di Martino
Antonietta Di Martino (Cava de' Tirreni, 1 de junh de 1978) es una atlèta italiana. Aquesta especialista del saut de nautor a ganhat mantuna medalha tre 2007.
Ganhèt una medalha d'argent durant los Campionats del mond d'atletisme leugièr a Ōsaka en 2007 en marcar un novèl recòrd d'Itàlia amb 2,03 mèters. Sa participacion als Campionats europèus d'atletisme leugièr a Birmingham en 2007 li valguèt una autra medalha d'argent amb 1,96 m. Obtenguèt puèi una medalha de bronze als Campionats del mond d'atletisme leugièr de Daegu en 2011 amb 2 mètres e aquel meteis an venguèt campiona europèa indoor a París. En 2012 s'emportèt la medalha d'argent als mondials indoor d'Istambol en anar mai amont que la marca plaçada a 1,95 m.