Ansèume Matieu

Un article de Wikipèdia, l'enciclopèdia liura.
Anar a : navigacion, Recercar
Retrach d'Ansèume Matieu

Ansèume Matieu (en francés Anselme Mathieu, Castèunòu de Papa, lo 21 d'abriu de 1828 - lo 8 de febrier de 1895) foguèt un escrivan romantic provençau, un dei sèt fondators dau Felibritge (lei Primadiers o Sèt de Fòntsegunha) e un vinhairon.

Biografia[modificar | modificar la font]

Ansèume Matieu nasquèt dins una familha rurala que teniá pron de vinhas e d'olivièrs per abalir sei sièis enfants que n'èra lo mai jove [1]. Sermion -l'escais que li avián donat sei parents- estudiava pas gaire dins lo vilatge e foguèt mandat doncas a Avinhon dins lo pensionat Dupuy onte Josèp Romanilha èra mèstre d'estudis (susvelhant) e Frederic Mistral un escolan pus jove. Mistral faguèt una descripcion de son encontre amb Matieu dins Memòrias e racòntes: "intrèt e s'avancèt de nòstre rodelet un novèu pensionari, finament pecolhat, lo nas a l'Enric IV, lo capèu sus l'aurelha, l'èr un pauc vielhanchon, em' un bot de cigarro amossat dins la boca; e lei mans dins lei pòchas de sa vèsta redonda, sènsa mai de façon que s'èra estat dei nòstres."

Placa a l'escòla ont foguèt escolan amb Mistral a Avinhon

Après lo pensionat, tornat en çò sieu, mai qu'a la poesia Matieu s'interessèt subretot a la caça e ai fremas e menèt una vida centrada mai sus lo plaser que lo trabalh. En aquel temps venguèt mai pròche de Marius Calvet, un autre camarada de collègi, grand aficionat d'activitats semblantas. En seguida d'una pena d'amor, en 1850 partiguèt a Avinhon per trabalhar per un avocat. Pr'aquò i demorèt pas gaire, l'an seguent s'installèt a Ais ont Mistral acabava seis estudis de drech. Ailà tornèt a viure una vida de plasers gràcias a l'ajuda financièra d'una barona que coneissiá intimament. Foguèt mai tard eu tanben coma sei parents un grand vinhairon. Malastrosament roïnat per la filloxèra, acabèt sa vida dins la pauretat.

Son òbra poetica foguèt transmesa (e modificada) per son amic Frederic Mistral.

Referéncias[modificar | modificar la font]


Ligams extèrnes[modificar | modificar la font]

Provença Armas de Provença